紅雨警告｜蔣怡豪宅水浸　屋企驚變泳池仔女嬉水

本港今日（4日）早上連場暴雨，天文台中午宣布有機會發出黑色暴雨警告，多區受影響，當中將軍澳及西貢水浸嚴重，家住西貢清水灣的蔣怡在IG分享家中現況，暴雨下豪宅浸成游泳池，但全家上下一心努力清積水，一對仔女更玩得相當開心，心情似乎未受影響。

香港多處成澤國，蔣怡豪宅亦成為災區，她中午上載短片分享家中水浸情況，片中見到獨立屋客廳嚴重水浸，門外花園更變成泳池，蔣怡全家穿上雨衣，落力用各種工具清除家中積水，不過暴雨下未見效果，她的一對仔女更乾脆開始玩水，囝囝擔遮在花園涉水，囡囡則拖着放了烏龜的膠箱，苦中作樂，不少網民見到蔣怡家中慘況都紛紛留言安慰，亦叮囑要小心照顧小朋友。