夏文：拜仁防線唔係好穩陣

拜仁名宿夏文係節目SPORT1講到拜仁情況，夏文就話「拜仁防線唔係好穩陣，而拜仁係過去五年每年都會換後衞，咁企喺防線前面係邊個？就係甘美治同哥列斯卡，我覺得只要佢哋兩個踢中場，拜仁就無辦法贏到歐聯。杜曹上季將甘美治踢返右閘，而國家隊教練拿高士文都係咁做。對我嚟講，拜仁下季最重要嘅一件事就係唔好俾甘美治踢中場😎。」

之後被問到拜仁教練甘賓尼表現，夏文表示「成個球季我會俾甘賓尼3分（1分最高，6分最低），我覺得甘賓尼都做得幾好，但係下個球季可能需要一啲調整，唔可以成日都追求和諧氣氛，有時都要製造一啲摩擦😶。」

呢位德國🇩🇪名宿最後講到國家隊中堅魯迪加情況「魯迪加行為問題已經唔係第一次出現，拿高士文一直強調價值觀同承擔責任重要性。我覺得德國足協應該暫時要求魯迪加停賽。如果係我，我唔會邀請佢參加歐國聯決賽階段，無理由因為有可能削弱國家隊實力而放棄價值觀🙃。」