Jer柳應廷向名導添布頓致敬　獲贈親筆簽名海報感驚喜

發布於 2024年09月06日11:16 • 機

Jer柳應廷獲得添布頓親筆簽名Poster。

華納兄弟影片睽違36年，將「嘩鬼家族」推出延續篇，《嘩鬼家族Beetlejuice》（BEETLEJUICE BEETLEJUICE）未開畫已話題十足。

《嘩鬼家族Beetlejuice》未開畫已話題十足。

近日，不少市民在香港四處包括機場、星光大道、太空館、中環碼頭等野生捕獲到陰間使者「阿卜」的蹤影。原來「阿卜」是被總部委以重任，作為特派使者來港尋找阿Jer，因為阿Jer是公認的添布頓超級粉絲。

阿卜來港尋找阿Jer。

「阿卜」最終在努力下成功找到阿Jer，將有Tim Burton親筆簽名的《嘩鬼家族Beetlejuice》海報送給阿Jer。阿Jer驚喜地說：「真係好Surprise，可以見到電影角色走入真實世界，真係意想不到，而且仲送咗張有Tim Burton親筆簽名嘅美版海報俾我，真係好開心，對我嚟講真係意義重大。我由好耐以前已經鍾意Tim Burton，《朱古力獎門人》、《怪誕城之夜》、《愛麗絲夢遊仙境》開始，佢拍嘅作品都好經典，好佩服佢嘅可以創作到一個屬於佢自己嘅風格。」

〈筆觸男孩憂鬱之死〉MV向添布頓致敬。

阿Jer更透露自己與《嘩鬼家族》的緣份：「今年年頭創作兩首新歌嘅時候咁啱翻睇咗一次套戲，所以希望可以藉住首歌向Tim Burton致敬，亦都藉此提醒自己在音樂上都要堅持自已嘅風格。而咁啱嚟緊有《嘩鬼家族Beetlejuice》上映，好期待同想快啲入戲院睇！」

阿Jer與阿卜自拍合照。