【實試】娜姐 Shell 油站換偈油初體驗　30分鐘攪掂 + 收費透明

其實娜姐自己有個習慣，一買二手車就會馬上更換消耗品例如偈油、火嘴、風隔等，始終不知道上手車主是否錫車之人，所以一定要保養汽車以策安全。身邊唔少 P 牌朋友未必熟悉如何保養座駕，只好交托他人代勞，不過市面普遍維修保養都不會列明收費，加上沒有相熟師傳，報價後明知昂貴但怕麻煩不好拒絕，又或者收費合理卻被游說更換不必要的消耗品或服務，以上情況都可能為 P牌朋友帶來不愉快的經歷。其實油站一樣能夠提供換偈油及汽車保養服務，入油一次過可以同時換偈油、進行基本檢查甚至更換消耗品，方便之餘亦可慳返不少時間！

收費清晰  免費十點檢查

好多 P 牌都好怕四圍問價，一來怕自己不熟市價行情，二來怕自己部車貼住「P」牌容易被人標籤「新手」。去 Shell 油站更換偈油，各種收費詳情已經貼在當眼地方，而且師傅更會預先同你講清楚更換甚麼規格或黏度的偈油，而且大家更可以全程睇住，無需擔心出現不必要的誤會。另一方面，更換偈油時仲會免費提供 10 點汽車基本檢查(下表)，最適合 P 牌新手或者唔熟汽車保養既朋友，師傅更會即場報告汽車狀況，提醒你夠期更換消耗品或留意潛在問題，無需擔心被游說更換不必要的項目，即使 P 牌亦可以放心。

▲不少潛在安全問題需要在汽車底部才能檢查，而換偈油時師傳便可以同時進行簡單 Check 車。

10 點汽車基本檢驗

•      引擎機油油隔及風隔
•      波箱油
•      迫力油
•      軚油
•      水箱水
•      玻璃水
•      水撥
•     電池水
•     呔壓
•    車燈、方向燈

唔駛放低一日半日  最快 30 分鐘內完成換油

其實不熟汽車保養的 P 牌朋友，好多時都想睇住師傳檢查換偈油學野，不過一般維修中心常常泊滿待修汽車，往往未必可以即時幫你換油，至少也要放低幾個鐘頭等通知。其實只要喺 Shell 油站入油時順便就可以換埋偈油，最快 30 分鐘就可以攪掂(視乎車款而定)，夠晒方便而且更易控制時間。

娜姐換偈油體驗感想

平時去油站入油好多時只會留意到可以洗埋車，其實唔少油站一樣提供換偈油服務，而且收費清晰亦非常方便，無需開口問價亦無需擔心「海鮮價」！去油站換偈油的好處收費夠清晰，P 牌仔唔駛擔心因誤會而引起不愉快事情發生，仲可以嘆住咖啡食吓零食睇師傳換偈油，更加唔洗被逼行陣街先返黎攞車，真係半個鐘左右就可以完成。

另外，大部份 P 牌仔可能唔識自己檢查座駕，而在 Shell 油站換油時免費提供的十點汽車基本檢驗就更加實用了，無論是基本換風隔、油隔、沖洗引擎服務師傅都可以代勞，唔駛四處逐樣報價更要擔心被游說升級。而今次娜姐換偈油時就被師傅提醒左前呔「中釘」以及後迫力皮只剩 ⅓ 快將到期，這些都是 P 牌仔未必可以自己察覺的潛在問題呢！不過如果大家怕要排隊等候最好預先上網預先約定 Time Slot，咁就唔怕去到要等啦！

▲用手機或電腦登入 Shell 網上預約平台便可預約換偈油。

偈油小知識

無論是超級跑車、私家車或是電單車都需要更換偈油，因為引擎燃燒時都會產生好多化學沉積物，當長時間積聚喺車頭入面就會阻礙活塞移動，便會加劇部件之間的磨擦。而偈油對於汽車的作用就好比人體的血液一樣重要，簡單而言，偈油除咗用來潤滑引擎各個部件減低磨擦，同時潔淨由引擎運作時產生的化學沉積物，在汽車運作時的高溫狀態下保護引擎，引擎部件之間的磨擦減少，架車之然行得順咗定咗，仲可以慳到油添！

▲新偈油的顏色略帶金黃而且清澈透明，全因用天然氣製成，令偈油潔淨能力更加高。

▲圖中為行駛了逾 6,000 公里超過 9 個月未有更換的偈油，其帶有燒焦的氣味加上已變質，自然難以保護引擎。

現時偈油大概可以分為 Full Synthetic 全合成、Synthetic 合成及礦物油 Mineral oil 三大類，當中全合成偈油擁有較好的高溫抗氧化能力，低溫黏度及潤滑性能較好，而且高低溫流動性高，適用於不同天氣，故最多車主選用全合成偈油。

▲偈油樽身上的不同數值其實代表偈油的黏度，即係偈油於唔同溫度嘅流動性能。第一組號碼 W(Winter) 代表喺低溫(0°C以下) 嘅黏度，而後面第二組號碼喺高溫(100°C以上) 嘅黏度。喺同一溫度下，黏度數字較細偈油會流動得較快，低黏度偈油嘅好處係喺停車再啟動時可以俾到更敏捷嘅加速反應，建議各位 P 牌仔可以向師傳查詢或者查閱車主手冊了解哪一款規格偈油適合座駕。

▲平時各位 P牌朋友都可以到 Shell 油站找師傅檢查一下偈油量是否屬於正常水平，若果偈油不足便會對引擎帶來傷害，咁就記得即時加返偈油啦！

一般來說，偈油受熱過後便會開始氧化變質，隨著時間或行駛里數增加，偈油的潤滑及保護作用便會不斷降低。由於香港太多燈位又經常塞車，架車成日開吓停吓，對於引擎嚟講更加容易引起損耗，所以娜姐就提醒大家記得根據車主手冊上面的「嚴苛條件」定期檢查同更換適當規格的偈油啦！而對於唔係成日開車的 Holiday Driver，因為香港天氣相對潮濕，偈油狀態較易受到影響，所以至少每半年都要換一次偈油。總之大家如果想架車 Keep 住咁爽咁好力，又唔想引擎咁易損壞同慳油啲？ 咁就要記得定時檢查同埋更換偈油啦！

VIDEO: https://www.facebook.com/unwirehk/videos/344361142968152/

了解更多 ：SHELL 超凡喜力機油推廣

• 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/