家下黃色衫KZ「畸型詩人」 做人老竇開騷仍著牛仔褲
一首「佢家下黃色衫」、「下半身配牛仔褲」被認為香港Rap界的神作，傳唱了十幾年仍在唱，改詞的「說唱人」KZ直接被封為Rap界神話，農夫更以一首「KZ係全香港最好嘅rapper 」來「形容」他，最近這首「佢家下黃色衫」再次被Mirror夜粥小組帶上舞台，更變成了「兒童適宜」的無粗口版，KZ笑說：「終於可以有一個畀仔女聽嘅版本。」原來KZ已經當了8年老竇，退隱江湖回歸到家庭，也投入了職場，2025年在這個本屬於親子時間的假期，KZ重拾香港最強Rapper身份，下半身繼續著條牛仔褲，重踏個人舞台，開演唱會《KZ Debut Solo Live “SSDD”》，但坦言這場Show仍然「兒童不宜」！
工傷變暑假 手停口不停
每一個暑假，家長們最煩惱的一定是兼顧工作和小朋友的暑假活動，作為一個爸爸，以往都在上班的KZ，今個暑假卻因為意外停工，造就了一個親子假期：「之前因為工作未試過好似宜家咁長時間對住小朋友，覺得小朋友成長過程好珍貴，發現個仔原來對拍子節奏幾敏感，有日求其搵個紙盒同佢打拍子造就咗親子時間！」演唱會準備工夫繁多，又要分配時間陪伴小朋友，KZ坦言：「同太太互相配合，因為一向都係兩公婆自己湊為主，分配好時間就可以。」
與其說KZ選擇了在暑假「重踏個人舞台」，不如說他被暑假選中，因為工傷而「停工」，造就了這個屬於大人的暑假，然而沒有工開的日子，手停了，口卻沒有停，繼續說唱、繼續Rap，KZ：「主辦單位聽咗農夫首《KZ係全香港最好嘅rapper》 而認識我，所以就有呢件事發生，呢個Show將會係出道20幾年第一次長達2小時的個人演唱會，係一個新挑戰。」
家下黃色衫 不應只有Diulama
《佢家下黃色衫》這首歌紅了廿年，成了廣東說唱的經典，最近Mirror夜粥小組又再翻唱，KZ表示：「幾驚喜，因為佢哋首無粗口版更加入屋，終於可以有一個畀仔女聽嘅版本！Diulama（佢家下黃色衫）本身係一首教學生rap嘅功課，冇諗過會咁紅，今次演唱會，想畀更多人知除咗我首Diulama，我仲有好多好歌。」至於演唱會會否再次親身演繹這首名作仍是未知之數，但肯定的是由當日的粗獷，到現在成了兩孩之父，身份的改變沒有讓KZ「收收火」，並稱：「佢哋唔會聽到，因為啲歌要18歲先畀得佢聽，小朋友同我一樣鍾意聽BLACKPINK、《APT.》。」
原牛覺醒 下半身著牛仔褲 上半身加牛仔褸
進入全民拍片的年代，KZ也開始了自己的YouTube Channel「青爐仔（Channel Jai）」。頻道現時有42部長影片及多條短片，KZ：「環繞中佬嘅lifestyle，之前因為工傷而進行全身麻醉手術，術後第一日拍攝了第一條片。」按內容分成了多個系列，「中佬先係bro」系列像個訪談節目，而多條「劇場仔」片竟然予人「膠膠地」的感覺，跟KZ的「Cool Cool地」形象一種充滿反差感的親切，極有驚喜！另一個重點主題相信一定是KZ的日常style——「牛記」，牛仔褲牛仔褸、古著牛，到牛仔褲歷史都涉獵到，果然不論天氣都要「下半身著牛仔褲」，而 Levi’s Type 1牛仔褸、Levi’s 33501牛仔褲則是KZ最愛的「中佬bro」原牛配搭，「因為是復刻返當年的產物。」KZ也發揮「食字」和「押韻」本性，為channel創造了不少新詞，如「原牛覺醒」、「練牛」、「練牛師」、「原牛探店」等，「細個嗰陣好鍾意Star Wars ，好鍾意入邊嘅角色，其中有一集叫原力覺醒 ，所以食字諗咗『原牛覺醒』。」對於「青爐仔」的未來動向，KZ繼續走隨性風格：「想走多元化方向，最想拍短片，不過題材都未諗到，同我寫歌一樣，都係要有feel先做到。」
《KZ Debut Solo Live “SSDD”》
日期：8月27日晚上7時半
地點：新蒲崗潮場地 PORTAL（The Burrow）
撰文：SteffiWong