肥仔唔知保錡菊梓喬感情事　豪言：佢哋一齊過我唔知喎

藝人梁祖堯、梁業（肥仔）、湯駿業及何洛瑤等今日（15日）為音樂劇《Di-Dar Comeback》進行總綵排。今次音樂劇中不乏歌舞，就連精於跳舞的肥仔也坦言有難度，他説：「要講住對白，加上唔係平時跳嘅舞種，有俄羅斯舞、芭蕾舞、土風舞，都要夾一夾，有啲位要捉住拍檔一齊跳，但個台一燈暗乜都睇唔到，唔知大家行咗去邊。」提到有指他綵排時受傷，他解釋其實是練舞多肌肉酸痛，趁空檔找醫師「拔罐」鬆一鬆，因此頸上才留下瘀黑，相信要點時間才能消退。

另談到ERROR隊友吳保錡跟女友菊梓喬被爆分手，肥仔説：「佢哋一齊過我都唔知喎，我唔識答呢個問題呀，哈哈！呢個星期冇見過佢。」他指對方依舊積極做運動，看來正面，自己也沒過問對方感情事。

東網網站 : https://on.cc/東網Facebook專頁 : https://www.facebook.com/onccnews/