鮮活松葉蟹日式料理 二人套餐性價比高🦀 [ 勝膳料理·松葉蟹 ]

第一次係深圳食日式料理，估唔到有驚喜！呢間餐廳係深圳灣口岸附近，主打鐵板燒刺身壽司，人均¥400就食到以新鮮活松葉蟹🦀製作多種蟹料理。

✿ 鮮活松葉蟹•雙人餐 ¥799
從正門進入餐廳就見到好大個海鮮缸，放有松葉蟹、象拔蚌、龍蝦、鯛魚等生猛海鮮。

呢個二人餐主題係鮮活松葉蟹，廚師會係開放式廚房即場劏蟹。原隻松葉蟹會製作數個蟹料理：前菜、刺身、燒物及天婦羅，另外套餐有茶碗蒸、手握壽司、魚生飯及甜品，款式豐富。

蒸物
「黑松露茶碗蒸」剛剛蒸起熱辣辣，表面有黑松露菌汁，口感嫩滑。

先付🦀
前菜係「海膽松葉蟹醋凍」，海膽及松葉蟹肉鮮甜👍，配埋醋啫喱酸酸地夠開胃。

向付🦀🐟🦐
刺身拼盤好大盤，擺設仲好精美，有4隻活松葉蟹腳及3款時令刺身。

活松葉蟹腳每隻都好大條😍，味道超鮮甜，口感嫩滑，再沾上活松葉蟹膏，蟹味更突出。時令刺身係三文魚腩、油甘魚及甜蝦。兩款魚刺身好厚切，油脂感豐富，而甜蝦鮮甜爽口。

燒物
（1）鐵板香煎松葉蟹身蟹鉗 🔥🦀
鐵板燒位置同樣係開放式廚房，師傅將活松葉蟹嘅蟹身及蟹鉗部位以鐵板煎熟，蟹味鮮甜嫩滑。

（2）碳燒鴿子腿
有鴿腿及無骨鴿肉，燒得肉嫩多肉汁，想增添風味可以沾唐辛子辣椒粉。

揚物🔥🦀
第一次食松葉蟹腳製作嘅天婦羅😳😳，非常特別。紫蘇葉捲住鮮活松葉蟹腳製作天婦羅，炸粉非常薄脆。另外有南瓜及蕃薯兩款天婦羅。

手握壽司🍣
（1）鱈魚片黑松露佐魚生
師傅以烤鱈魚乾脆片夾住醋飯，再在醋飯上放上以黑松露菌汁拌勻嘅刺身，口感有層次。

（2）暮雪吞拿魚壽司
餐廳招牌菜之一。師傅將紅酒鵝肝刮磨灑上吞拿魚壽司，好似雪花咁❄️，油脂感豐富。

食事🍚
每人一小碗「京蔥魚蓉飯」。

甘物🍨
甜品係凍抹茶杏仁豆腐，表面灑上抹茶粉，豆腐口感嫩滑，杏仁味道都幾出。

總結
二人餐性價比高，人均¥400就食到新鮮活松葉蟹料理。每道料理師傅或店員都講解清晰，服務態度很好。

餐廳有席前、卡位及包廂座位。亦有商務房間，最多可以容納20至30人。可以電話或微信提前預約廂房，更可以要求餐廳準備生日、周年紀念日等佈置。

餐廳鄰近深圳地鐵2號線灣廈站，距離深圳灣口岸約10-15分鐘車程。除咗使用微信、美團、高德地圖等app call車，依家香港版支付寶仲新增「高德打車」服務，直接call車俾錢好方便👍。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
勝膳料理·松葉蟹
地址：深圳南山區藍天路澳城花園1618二期地下44-46號鋪（深圳地鐵2號線 灣廈站A出口）
電話：+86-18928433254
營業時間：早上11:30至下午2點、下午5:30至晚上10點
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/