富貴藝人身家大比拼 一個比一個家底豐厚 石油公主、珠寶世家、商場大王
個個都說做藝人的都是非富則貴，此番說話絕無虛假，以下盤點的18位藝人全部都是隱世富豪，幾乎不用打工都可以生活九世！
1.富貴藝人謝東閔——家族生意個個係老闆
參加《超級巨聲2》入行嘅謝東閔，近年演出過唔少劇集，原來佢身家豐厚、家境亦不俗，成家都係老闆——爸爸開髮型屋、媽媽就開外傭介紹所，2013年入行不久的他，亦跟家人投資6位數字在美孚開設沐足店，曾在內地開設時裝店的他，曾經用過百萬嘅跑車接載朱智賢，成功硬撬當時有餐廳老闆男友的朱智賢！
謝東閔喺《全職沒女》癡戀王卓淇，仲獲對方送上香吻！
當年參加《巨聲2》公認係顏值最高一個，又被踢爆係家底最豐厚一個，不過靚仔有錢都唔代表一定紅，好彩謝東閔都爭氣，捱足十年今年終於捱到上《丫鬟大聯盟》第二男主角。
2.富貴藝人朱智賢—— 車行太子女 朱智賢 (Ashley)
近日因為搭上人夫港男黎振燁，演藝事業危危乎，呢位拍劇「抽離唔到角色」的落選港姐，在J2旅遊節目《3日2夜》大騷身材而人氣急升，狂騷32C上圍加長腿被獲封為新咪神，原來佢父親經營車行，亦係太子女一名，中學畢業於迦密唐賓南紀念中學，之後赴紐西蘭於奧克蘭大學就讀，不過中途退學回港⋯⋯
朱智賢參選港姐前曾經做過空姐，之後在一間財經公關公司做公關，加入無綫後毫不吝惜身材，拍節目着三點式當食生菜。現實生活中的她亦好豪放，不時穿bra攬狗晒床照，又或者只圍浴巾出鏡一樣冇所謂。
3.富貴藝人余德丞 ——家住跑馬地豪宅
余德丞是前香港游泳代表隊成員，練得一身fit爆身材，結實的胸肌和肌肉一覽無遺，除了一身的才華之外，Dickson身家背景也來頭不少，含著金鎖匙出身的他與家人住在跑馬地嘉園的二千萬豪宅，即係天王郭富城的鄰居！而且還與家人聯名擁有多個總市值逾半億的豪宅單位，簡直是有潛力的「鑽石王老五」！
余德丞由運動員跳入無綫做體育主持，原來演得又唱得，去年上《流行經典50年》節目唱「鄰居」郭富城的〈狂野之城〉，大獲好評！
集可愛、陽光、帥氣於一身的余德丞，單是一個傻氣的笑容已經融化一眾少女的芳心了！
4.富貴藝人羅天宇—— 燒烤場太子爺
08年港男羅天宇主演《愛·回家》成功入屋，原來佢媽咪係靠做生意及炒樓起家，現時主力經營位於西貢嘅4萬呎燒烤場以及茶餐廳生意。相關文章：食女名單 多籮籮「速食王」羅天宇專食女神
被稱「靚湯」的湯洛雯更是羅天宇的前度女友
兩人戀情更達四年有多
5.富貴藝人趙希洛——爸爸經營石油生意
趙希洛在2007年以原名「趙嘉迪」參選香港小姐，雖然五強止步，但佢喺落選後加入無綫藝員訓練班，原來她家底雄厚、學歷又高，爸爸喺澳洲經營石油生意，其母係前資深藝員梁小玲，Candice於英國大學讀法商科，讀到碩士一年級，但當年為返港選港姐而放棄學業。由於父母擅於投資地產物業，雖然舉家移居澳洲，但卻在香港買樓和買舖收租，至今物業市值全部翻兩番，加上供愛女趙希洛自住的半山梅道豪宅，三個物業市值合共約一億五千萬元。
趙希洛的父母一直唔多支持她加入娛樂圈，但喺無綫人工奀唔夠生活，父母愛女心切，將香港物業及私家車供她住及用。
在《 乘勝狙擊 》其中一集，講述她被歹徒扯爛衫，露出黑色內衣，大騷事業線！ 另外在無綫劇集《實習天使》中客串精神病人，所展露的演技讓網民拜服，甚至封她為「無線御用癲婆」。這場戲出街後，不少觀眾大讚她身材出眾，而且演得夠放！
喺TVB捱足11年嘅趙希洛，現實中好有家底，爸爸係經營石油生意，有豪宅住有司機車出車入！
被網友封為無綫「御用癲婆」的Candice，希望自己的演出可以更加多元化，最想演的仲係弱勢社群嘅角色，她說：「想演一些缺乏社會關懷的人，包括一些身體有缺陷、精神有問題、自閉症病人，因為我覺得社會不了解這些人，想透過角色令大家關懷他們，不要帶着歧視眼光。」
而喺《棟仁的時光》飾演Emma姐嘅趙希洛(Candice)都成為網友焦點，趙希洛飾演極度乞人憎嘅公司監製，著數攞盡但就經常擺阿姐款仲要針對下屬，個角色設定注定唔討好，但網民大讚佢演出夠自然不造作，演技跟同劇嘅唐詩詠、朱晨麗、賴慰玲有得揮。
6.富貴藝人鄺潔楹——家住大埔獨立屋
27歲的女神鄺潔楹於《愛‧回家之開心速遞》演校花Venus，活躍於《學是學非》及《３日２夜》兩個節目，2014年出道的鄺潔楹原來仲好有米，父母經營傢俬生意，27歲的她，與家人同住大埔淺月灣獨立屋，有指她個人名下更擁有一個跑馬地豪宅物業，又開有投資公司，家底豐厚，但拒絕靠父幹置業。
鄺潔楹原來仲好有米，父母經營傢俬生意。
《3日2夜》同拍檔鄭衍峰浸男女混浴風呂，令唔少宅男想變鄭衍峰親近女神。
7.富貴藝人簡淑兒—— 父母經營珠寶生意
新一代宅男女神簡淑兒(Jessica) 由美國回流返港選港姐，入行以來都甚少談及自己的家庭背景，只知道佢有6兄弟姊妹，但原來佢家境相當不俗！簡淑兒父母經營珠寶生意，在上水及將軍澳都有專門店。另外喺紅磡一幢工業大廈亦購入兩個單位作寫字樓，生意規模唔算細。簡淑兒亦曾經幫屋企生意做生招牌，擔任代言人兼模特兒，甚至贊助過TVB及亞視藝人鑽石首飾出席活動。
提到被爆係有錢女，佢就話屋企只係做一啲小生意，自己出入唔會有司機接送，平時返電視城或者出席活動都係搭巴士。另外又稱自己雖然同家姐住，但就唔係住凱旋門，絕對唔係有錢女。
出身自組合「少女標本」的簡淑兒，自從喺《愛‧回家之八時入席》中飾演秘書Elsa後備受關注，招牌腰果眼、甜美笑容加上密密短裙露長腿成為觀眾討論焦點。喺《平安谷之詭谷傳說》中簡淑兒飾演一個天真可愛的小女孩淼淼，不過就有個獸父鄭子誠，仲差啲被侵犯！紥一對孖辮、楚楚可憐的樣子，真係無得輸！
8.富貴藝人陳瀅——繼父係廣州「商場大王」
宅男女神陳瀅屋企家底豐厚，有指陳瀅媽媽的第二任丈夫在內地從事房地產生意，有商場大王之稱，在廣州有一棟6層樓高的商場。變成富家女的陳瀅不但留學加拿大，在港都住豪宅及揸名車。
9.富貴藝人陳凱琳 ——家住九龍塘過億獨立屋
2013年港姐陳凱琳以大熱姿態當選成三料冠軍，被譽為近十年最靚港姐，家住九龍塘玉蘭路五千呎過億元獨立屋，有指陳爸爸是舖王，坐擁十多項物業，包括九龍塘大宅、數個九龍住宅單位及位於青山道、上海街、佐敦、金巴利道等地舖，每個月齋坐收租已過百萬十分和味，陳父不但早年炒舖賺近半億，現時仍手持三間市值近5千萬商舖收租。曾自稱中產的Grace笑言父親是「做小生意」。
10.富貴藝人朱千雪 ——19歲獲父親贈藍灣半島、愉景灣物業
2012年港姐季軍朱千雪，有樣有才有家底，有指她於19歲時已獲從事五金生意的父親送贈兩個市值逾千萬、分別位於小西灣藍灣半島和愉景灣的物業，所以暫休一年去中大讀碩士都無有怕。
千雪入行後一直獲得力捧，在劇集《EU超時任務》首次擔演第一女主角而人氣急升。
11.富貴藝人郭子豪 ——製衣廠爸爸、名牌大學高材生
郭子豪14年加入娛樂圈，讀完藝人訓練班後，簽約成為無綫「親生仔」。原來佢亦係圈中高學歷一族，中小學就讀於名校喇沙，成績一直名列前茅，據知未放榜已經有數間英國學校向佢招手。之後郭子豪畢業於世界知名學府倫敦帝國學院 (Imperial College London)，佢修讀的機械工程學科更是排全球第3，名副其實係高材生！郭子豪父親開廠做製衣起家，現經營時裝貿易生意，身家不容小覷。父母住在大埔康樂園，而郭子豪就大個仔要有自己空間，以月租約三萬五租附近半山的獨立屋龍城堡，豪到爆！閒時唔使開工，郭子豪就揸佢部價值80萬的Audi座駕，去到家人住的康樂園會所做Gym。
而在劇集《三個女人一個「因」》中，飾演唐米尼（Dominic）的郭子豪經常喺劇集入面騷肌，令各位女觀眾們睇到嘩嘩聲，話說郭子豪除咗靚仔大隻、畢業於世界知名學府外，原來仲係來自富貴家庭！
初時出場的郭子豪明顯衣著比較密實，但之後愈睇愈有「肌」，去到第二次再次出場就已經半裸登場。嘩，結實的胸肌、粗壯的手臂，六舊腹肌兼遮啲唔遮啲的人魚線，睇到人眼定定，差啲連心臟都停埋！
「A&F 首位亞洲代言人」——郭子豪21歲回港在保時捷做實習生時，憑俊朗外表及健碩身型打低二百幾位對手，被美國時裝品牌A&F選為香港代表，為該品牌百多年來首次選用的華人面孔！郭子豪不旦擔任A&F的2013春夏廣告男模，亦是該品牌世界巡迴宣傳的模特兒之一，曾在不同城市如芝加哥、倫敦、紐約等地出席開幕儀式。
雖然屋企咁富貴，不過郭子豪一直甚少提及家庭背景，保持低調。熱愛幕前幕後工作的郭子豪，讀書時期已經喜歡攞住DV四圍拍，曾專程報讀演藝學院的導演課程。之後佢開設製作公司，幫過馮允謙拍微電影，講到明唔想「成功靠父幹」！
12.富貴藝人何雁詩——家住大埔滌濤山
何雁詩有個做生意的富爸爸，早在她參加《超級巨聲》的時候，每次都有司機接送，何雁詩家住大埔滌濤山，自己喺奧運站浪澄灣有一個八百多萬嘅物業揸手，唔止養得起自己，養埋男友都綽綽有餘，阿Fred唔使憂啦！
13.富貴藝人邵珮詩——維他奶創辦人曾孫女
14年港姐冠軍邵珮詩䣃任後拍過《潮流教主》、《愛回家之八時入席》等劇，最近在《愛回家》中飾演口直心快的網店總監秘書Heidi，與湯盈盈合作，演技深受觀眾認可與讚賞，其斯文乖巧的形象也深入民心。雖然工作量不多，但原來她頭不小，是維他奶創辦人之一邵蔚明的曾孫女。
15.富貴藝人王卓淇——父親東莞設廠
14年港姐亞軍王卓淇父親是護膚品生產商，前年在東莞落成逾50萬呎廠房，規模十分大。王卓淇自己亦能手持大角咀一號銀海及廣州白雲區600萬物業。王父在東莞有萬呎廠房經營護膚品生意，為王卓淇買車買樓留港發展演藝事業！
早前王卓淇喺《果欄中的江湖大嫂》嘅重頭戲出街，連日於出貼當日拍攝嘅三點式落水戲，為自己谷人氣。
無綫劇《果欄中的江湖大嫂》內王卓淇同惡人阿媽甄詠珊相依為命要捱窮，現實中王卓淇家底豐厚、一個手袋已經係無綫姐仔幾個月人工，盛傳拍劇愛炫富、開工有幾個跟班，排場架勢似大小姐！
劇中阿媽甄詠珊爛身爛世捱大個女王卓淇。
16.富貴藝人張寶兒、張寶欣——父親擁禮頓山多個物業
兩姐妹分別於2016、2017年參選香港小姐，兩人皆奪得「友誼小姐」的獎項。姐姐（張寶兒）加入了溏心風暴的拍攝，而妹妹（張寶欣）仍在藝人訓練班中學習。麥明詩是姐姐的朋友，而兩姐妹出身於大富之家，父親於禮頓山擁有多個物業，一共擁有至少3億物業，是億萬千金，貴氣逼人。
17.富貴藝人黃翠如 ——白手興家富爸爸
黃翠如小時候家住馬鞍山恆安邨，翠如父親黃永華於九龍灣經營魚檔，98年跟伯父、即聯旺集團（8217）主席黃智果做建築和裝修，並出任行政總裁，生活先開始富起來。雖然黃翠如父母喜歡買賣物業，現持有多個住宅及商廈單位，但翠如現時並冇物業，亦唔打算靠屋企畀首期置業，而蕭正楠名下只有現居的華景山莊單位。
黃翠如爸爸黃永華嘅建築公司聯旺(8217)兩年前於聯交所配股上市，翠如一家人慶祝爸爸事業成功！而翠如於fb寫下爸爸勵志故事：「老爸由賣魚小販做到地盤工人，由手板被冰壞到腳板被地盤釘刺穿，苦了很多很多年，前幾年老爸說要退休，我第一個舉腳贊成，然而，他卻沒有停下來，今天是爸爸的大日子，不再是你為我們驕傲，而是我們為您驕傲，老豆，好叻仔。」
黃翠如有個聯旺集團富爸爸，被封百億千金，但佢從來唔會洗腳唔抹腳，用的一分一毫都係自己辛苦工作賺回來，堅決不靠父蔭。翠如近年都係住村屋，架cooper揸咗幾年都唔換，衣食就更加慳，經常着贊助嘅免費衫！
18.富貴藝人莊思敏、莊思華、莊思明 —— 拿督千金 富貴三姐妹
莊思敏嘅爸爸是中國光大控股前主席莊寶，家族身家估計逾8億，而莊思敏都透露自己是馬來西亞拿督女，顯赫家世！