拜仁、曼城、曼聯等球隊留意科隆翼鋒艾馬拿情況，但今個轉會窗會留隊

🚨根據德國天空體育消息，雖然拜仁慕尼黑、巴黎聖日耳門、巴塞隆拿、曼城、曼聯、熱刺同埋白禮頓都留意科隆翼鋒艾馬拿情況，但如果要係今個轉會窗簽到艾馬拿嘅話，轉會費將會幾貴，因為艾馬拿同科隆合約去到2030年夏天，而且合約無解約金條款，再加上艾馬拿希望繼續留隊，所以艾馬拿係今個轉會窗離開科隆嘅可能性比較細🙂

💬艾馬拿之前接受訪問就話「我覺得係科隆都幾舒服，但同時都要繼續努力提升自己，我知道隊友、教練團隊同屋企人都幫緊我。我由細細個開始就被教人唔好自大，所以我會保持平常心。不過，每個球員都希望踢歐聯同效力頂級球隊，亦都係每個球員努力嘅方向😉。」

✅艾馬拿係2025年8月先至上演德甲地標戰，呢位翼鋒今季係15場德甲比賽有6個入波同3次助攻，當中只有6次以正選身份上陣。國家隊方面，艾馬拿係上年9月由德國U19直接升上德國U21，11月仲第一次收到德國國家隊🇩🇪教練拿高士文邀請🤓

🎯根據德國圖片報消息，當艾馬拿成為成為科隆主力球員嗰陣先至會考慮轉會，而轉會希望加盟其他德甲球隊，考慮到轉會費情況同埋科隆整體發展，依家唯一比較現實就只有加盟拜仁，而拜仁同樣對艾馬拿有幾高評價同埋密切留意佢嘅發展👀

▼Follow足球仁
Instagram: https://www.instagram.com/football_yern/