張敬軒御用鼓手波子成婚　與太太Ande於《擊戰》結緣

為張敬軒多個演唱會打鼓的鼓手張嘉豪（波子），今日（12月12日）與ViuTV節目《擊戰》參賽者陳嘉惠（Ande）正式拉埋天窗，成為夫婦。婚禮在戶外舉行，一眾好友包括張敬軒的監製Johnny Yim、《擊戰》的參賽者Kinki等出席婚禮。

波子自12歲開始跟隨父親「鼓王」張建波學習打鼓，15歲開始表演，17歲已在紅館為徐小鳳演唱會擔任鼓手，曾與多位歌星合作，如許冠傑、譚詠麟、劉德華、郭富城、陳慧嫻、陳奕迅等，近年主要為張敬軒的演唱會作鼓手。

波子兩年前為ViuTV節目《擊戰》擔任導師時，結識參賽者Ande。Ande被波子選中入組，在波子的指導下，最後晉身比賽中的四強。二人更暗暗撻著，去年突然在社交平台PO出甜蜜求婚照，Ande 手抱紅玫瑰及騷出婚戒宣布結婚。

Ande在今年《擊戰2》上受訪回顧當年參賽得著，她更甜蜜地提到：「我覺得最大的收獲就係識到我嘅老公波子……多謝《擊戰》畀咗呢個緣份我哋去相遇。」二人現開辦打鼓學校，一同在音樂路上努力發展。