早前宣佈懷孕嘅李亞男，今日喺ig同weibo公開自己今胎係佗女啊！
王祖藍同李亞男喺2015年情人節結婚，結婚三年一直都非常恩愛。
今年7月，王祖藍同李亞男係微博宣佈懷孕好消息，唔少圈中好友都留言恭喜二人。
李亞男仲話可以同好友鍾嘉欣一齊懷孕，覺得非常感恩添！
亞男之前就透露預產期係12月，不過當時未透露係陀仔定陀女，今日佢終於開估！
喺公開相入面，亞男雙手摸肚，肚上面嘅字寫咗「Baby Girl」，佢話：「今天小公主陪我一起工作」，老公王祖藍亦都留言：「寶寶，一定要各方面都像媽媽」，真係搞笑！
李亞男表示好開心，因為佢不嬲都好想有個女，可以幫佢扮靚，仲話希望下一胎係仔添！睇嚟已經有二胎計劃喇喎！
唔知小公主會唔會都好似媽咪咁靚呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0