拍拖1年恨做爸爸　彭懷安秘娶41歲保險女

以跳舞組合EO2出道的彭懷安（Eddie）被揭已秘密於本月11日入紙註冊結婚，未婚妻是從事保險業的41歲圈外女友鄭佩儀（Ivy）！據悉，兩人前年於DJ好友葉文輝（啤梨）的婚宴上認識，經長時間相處下日久生情，並決定今年拉埋天窗。消息曝光後，Eddie亦大方向傳媒承認婚訊，雙方拍拖約1年，雖然他否認奉子成婚，但直言恨做爸爸，希望盡快讓媽咪抱孫；至於會否擺酒？他說：「今年酒樓啲期爆晒，所以簽字後兩家人食餐飯先，疫情過後再睇吓點搞。」然而2015年，Eddie曾向拍拖7年的舊愛朱慧敏求婚，兩人更於社交網晒Sweet爆合照公佈婚訊，正當密鑼緊鼓籌備婚事之際，男方卻被爆背朱慧敏偷食，最終分手收場，惟他們疑掟煲唔掟蓋，後來多次傳二人復合成功。對於Eddie的結婚一事，朱慧敏至今仍未有回覆。