《造星II》Aiden簽英皇出道做歌手 「入錄音室一句都錄唔到」

於2019年曾參加ViuTV《全民造星II》的洪助昇（Aiden），今年正式加盟EEG，昨日（5月20日）推出首支派台歌曲《憑實力單身》。畢業於香港浸會大學電影學院表演系的Aiden，是《全民造星II》最後20強人馬，之後拍過電影和劇集，今年正式進軍樂壇。

《憑實力單身》是Aiden的親身經歷，所以特別想用這首歌與大家分享，「首歌入面，我自己最鍾意係『緩緩兜圈 默默轉季』，呢幾句歌詞對於我嚟講，係十分之有共鳴。形容一種關係，經歷咗好多個四季，但其實佢哋呢種關係係一直喺一個圓圈入面旋轉，亦都冇任何進展，就係因為大家都唔夠膽跨越嗰一條線。」

首次入錄音室錄的Aiden表示非常難忘和緊張「我未試過入去錄音室錄一首屬於自己嘅歌，因為我覺得要演繹一首屬於自己嘅歌，真係要好清晰你想每一段呈現嘅情感，同埋你想分享嘅內容。同以前唱cover歌好唔同的分別就係，你要好清晰同埋要好知道呢一首歌你想點樣唱，每一個字你想點樣咬，所以第一日入錄音室嘅時候，我係緊張到一句都錄唔到。」

Aiden在MV中有位異性好友，大家相處親密，卻不敢進一步化成甜蜜。故事起初，二人都假裝相處得相安無事，直至一天女主角想作個了斷，刻意迴避Aiden，著意親近另一群新朋友，而在電子遊戲機中心的一場戲，Aiden覺得正好帶出在同一空間，卻擁有各自世界的感覺，Aiden坦言自己亦最喜歡機舖那一場戲。

MV走訪多個場景，由零晨12時開始拍攝至翌日下午3時，對屬於早睡寶寶的Aiden來說，踩足15小時十分不容易，「突然間要咁樣通頂，有一個鐘係十分之眼瞓，但係跨過咗嗰個鐘之後就好清醒。」不過最令他醒神是突如其來的一位「小演員」，「我好鍾意小動物，喺機舖一幕，就出現咗一隻小白兔，我要喺幾個小混混手中去搶番呢隻兔仔，覺得呢場係幾有趣嘅戲，突然間有一個咁樣嘅『演員』同我一齊演戲好開心。」