香港味道〡電繪畫家用 iPad + Apple Pencil 畫出 香港懷舊電影海報 手繪質感〡3招秘技進入電子繪畫世界〡世界地球日 設計2款 免費 八達通卡面〡宣傳環保減碳排放

睇個樣你可能唔識佢，但佢一系列風格強烈嘅畫你就有機會睇過。今次 GadgetGang會同《無紙用工作室》 No Paper Studio 嘅 藝術家 恒仔 傾吓計，講吓佢係用香港舊式手繪電影海報的風格，去創作得意又緊貼潮流嘅作品。雖然風格同筆觸都勁似油畫，但其實全部都係用 iPad Pro 加 Apple Pencil 完成，相當勁！加上佢嘅作品，好多時都可以緊貼當下發生嘅熱門話題， 創作力同畫畫技巧都缺一不可。
而最近適逢4月22號的世界地球日，佢就同八達通合作創作出兩款電子八達通卡面，當然亦都係繼續源用佢嘅拿手風格喇，不過唔知今次佢又會用咩電影黎做創作元素呢？
另外，講到點解咁鍾情於呢種畫畫風格，原因都非常大路，就係因為佢細細就迷上睇港產片，當然亦希望延續呢一個已消失嘅獨特風格。當然 恒仔 都會講吓佢嘅最愛港產片係邊套喇！
又另外，如果你都對畫畫有多少興趣，恆仔喺今次影片中，亦會分享少少電繪嘅貼士大家，等各位都可以嘗試下畫番幅代表作。
最後，雖然《無紙用工作室》已經有一定知名度，亦有唔同品牌合作，興趣同金錢都可以兼顧，不過恒仔就話工作都有唔少難度，理想同現實始終都總有距離，等佢同大家分享下全職藝術家嘅喜與悲。
#Apple #NoPaperStudio #無紙用工作室 #iPadPro #iPad #ApplePencil #ApplePencil2 #procreate #Drawing #gadgetgang #gadgets #gg #世界地球日 #earthday