Frankie疑再有偷食證據流出　背前度狂冧Christy：你拉高晒個standard

MIRROR成員Frankie（陳瑞輝）的新戀情連日來備受網民熱議，新女友Christy被揭黑歷史，過去IG密友動態截圖密密曝光，不止出位言論成焦點，Frankie亦被指當時背14年女友暗撻Christy，今日（22日）再有網民公開截圖，並重組二人戀情時間線，再有疑似偷食鐵證曝光。

Frankie新女友Christy被揭曾在IG自認做第三者搶人男友，雖然Frankie堅稱在上一段感情結束後才正式開始新戀情，卻有疑似Christy密友公開多張IG限時動態截圖，疑再踢爆二人早已暗通款曲。由網上流傳的新截圖中可見，Christy在2021年12月已公開與Frankie的對話截圖，並留言：「I love皮皮。佢話同我去玩，但係大前提係唔可以比（畀）人認得。」不過原來同時Christy另有對象，在另一張截圖中，她又大晒與另一男性的合照，自爆對方有正印，又公開與對方的對話截圖，自稱爆金句：「平胸女人要搵過個唔難，香港一街都係。」明顯對自己的身材極具自信。

到了2022年1月，Christy再公開與Frankie的曖昧對話，Frankie提到身邊有「成日都想食咗我嘅妹」，疑似與Christy早前祭出AK的招式如出一徹，用異性激對方，Christy質疑「要引誘一定得」後，Frankie再覆：「同你差太遠，主要因為你拉高晒個standard」成功冧掂Christy，Christy在截圖上留言：「其實我內裏係一個冇自信嘅人，平時主要都係靠朋友同埋男朋友比（畀）信心我。」