今晚（7月6日）播出的一集《MM730 - Auntie妳好》，邀得193@ERROR作嘉賓，與隊友保錡、鍾慧冰（冰姐）及媚姨一起討論藝人形象的話題。193笑言自己的形象是「黐線」和被經理人放養的藝人，所以可以無拘無束地做回真實的自己。
193指兒時偶像是陳冠希，因為覺得對方十分緊貼潮流和勇於表達自己，他亦開玩笑稱另一個原因是因為陳冠希影相好叻，在旁聞言的媚姨隨即亂開玩笑指：「個個都知佢識影相。佢鍾意影某個部位呀嘛！」嚇到193和保錡直呼「唔好成日亂咁講嘢」。
193笑稱媚姨敢言的程度簡直「痴線過自己」，他指現時自己偶像是古天樂，因為十分欣賞對方用行動去支持後輩。193特別感激ERROR初出道時，對方亦曾有幫忙提攜他們。
ERROR經常為求節目效果而做出各種不同大膽的舉動， 193指ERROR能有現在的人氣全因是做節目為求觀眾開心：「好多藝人都係做咗好多唔想做嘅嘢，先可以做到最後想做嘅事情。我哋都做咗好多唔想做嘅嘢先令到有人識。咁可能你唔想做嘅嘢先係人地想睇。」193坦言ERROR的社會責任是想帶開心給觀眾，希望大家每天觀看節目的一小時裡，都可以輕鬆快樂。
