《萬千星輝頒獎典禮2025》將於本月19日舉行，獲提名各獎項的候選人近日都落力拉票，除了在社交網分享投票資訊外，亦有藝人趁住無綫盆菜宴，於現場大派即食麵甚至鮑魚俘虜同事們的心，為求一票可謂各出奇謀。
不過講到創意，於處境劇《愛．回家之開心速遞》中飾演「風少」的藝人陳浚霆應算稍勝一籌。東網昨日於電視城發現了一個易拉架，上面除了印有一個手持1號號碼牌的「風少」外，旁邊亦寫有「飛躍進步男藝員」及「最佳劇集」等資料，呼籲大家將票投給他及劇集《愛．回家》，過了不久更發現本尊現真身，推着滿載飲品的手推車，來到易拉架旁向路過的人派飲料呼籲投票，非常落力！
陳浚霆接受訪問，他笑指易拉架其實是由粉絲製作並送給他，他説：「係其他部門嘅一位同事，佢本身想叫我攞番屋企擺，我當然唔會浪費佢一番好意，哈哈！」他表示今日已經是第三輪派發，相當闊綽，問到對獎項信心？他笑言只得一半半，不過能夠入圍參與已相當高興，希望大家投他外更記得要支持《愛．回家》。
東網網站 : https://on.cc/東網Facebook專頁 : https://www.facebook.com/onccnews/
留言 0