根據圖片報消息，拜仁中場柏夫洛域之前德國國家隊訓練因為同隊友莊拿芬達亞一次對抗搞到膝頭哥受傷，不過柏夫洛域就係當地時間星期四戴住繃帶情況下已經正常參加拜仁訓練，所以呢位中場應該可以參加香港時間🇭🇰星期日凌晨12點半拜仁主場對史特加德甲比賽🙂
事實上，柏夫洛域今季為拜仁5次德甲上陣，場場都踢正選，仲有1個入波。根據資料顯示，柏夫洛域今季係德甲傳球成功率去到94.3%，呢個數字超過德甲同期任何一位中場球員🤓
拜仁中場甘美治最近接受訪問都大讚柏夫洛域，呢位德國🇩🇪中場就話「柏夫洛域非常注重團體精神，而唔係自我中心嘅球員，我哋需要咁樣嘅球員，柏夫洛域唔驚對手逼搶，之前對住利華古遜仲有一個精彩入波，同佢一齊踢波真係幾有趣😁。
▼Follow足球仁
Instagram: https://www.instagram.com/football_yern/
留言 0