葛民輝High爆打側手翻兼跳落台　自爆唔認得邵美君

藝人葛民輝、梁祖堯、邵美君、岑珈其等昨晚（9日）在灣仔演藝學院完成舞台劇《Di-Dar音樂劇場》尾場演出，在觀眾Encore下眾演員又跳又唱劇中歌曲《死氣洋洋》及《火熱動感LaLaLa》，令全場觀眾企起身拍爛手掌致敬，阿葛更相當投入在台上打側手翻，拍攝大合照更跳落台影相，玩得相當開心。

第2次演舞台劇的阿葛表示演出相當開心，他笑說：「導演、監製比我仲喪，演員就癲過我，所以玩得好開心。上次同林海峰做舞台劇得兩人個，成場就悶雞雞咁囉。（跳舞仲多過軟硬開騷？）中間抖得多。佢哋對我好好，知道我做拉闊，所以安排我做校長，之後就做半司儀咁，令我唔使咁大壓力。」

阿葛感激劇團照顧周到，又自爆面盲曾看過拍檔邵美君兩套舞台劇，以及在電影中合作，見面時竟然也不認得她，但多得她在舞台上好像保母照顧。講到他們在劇中有「動作」戲，邵美君要坐阿葛大髀，邵美君笑言沒有真坐，當時她是紮馬。問到阿葛會否再演舞台劇？他直言要看團隊，若好似今次劇團這般關懷，可以無後顧之憂，也想再做舞台劇。

東網網站 : https://on.cc/東網Facebook專頁 : https://www.facebook.com/onccnews/