請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

政Whats噏:遇電話騙案 何栢良智退騙徒

何栢良要求騙徒回答誰是香港衞生署領導人,結果對方知難而退。
何栢良要求騙徒回答誰是香港衞生署領導人,結果對方知難而退。

騙徒無所不用其極,近排仲出現疫下電話騙案。話說港大感染及傳染病中心總監何栢良收到聲稱香港衞生署打嚟嘅電話,結果來回幾句對話就擊退騙徒嘞!

何栢良今日(28日)喺社交平台貼文,話今朝早收到嗰個電話,對方係講普通話嘅,於是佢就問對方識唔識講廣東話,對方好似聽唔明,但佢用本地語言,對方竟然聽得明喎。咁已經唔多對路喇!跟住對方仲對何栢良講話佢有一份醫療文件重要通知添!何栢良心諗唔通自己中咗?於是又同對方傾多兩句之後,對方就話要同佢核實資料。

私隱喎,當然格外小心,何栢良即刻問對方香港衞生署個領導人叫乜嘢名?對方窒咗,停咗五秒。好明顯對方係唔識答啦!唔識答仲惡過人,何栢良話對方跟住話「我嘥佢時間喎」,跟住就收線嘞!何仲反問「乜咁快收線呀! 我都未話畀佢聽今朝都仲係一線員工」,即係佢做咗快測冇染疫呀!擺明係騙案喇,何栢良仲話雙方嘅對話已經錄咗音,呼籲大家小心詐騙。

東網網站 : https://on.cc/東網Facebook專頁 : https://www.facebook.com/onccnews/

查看原始文章