34歲譚嘉儀活躍於社交平台,仲不時拍攝鬼馬Reels短片來娛樂網民。日前她就分享自己著住一條鮮黃色露肩裙扮《美女與野獸》的貝兒公主入去迪士尼玩的相片,仲分享一條「Instagram VS 現實」短片。不過原來譚嘉儀這個舉動有機會已違犯迪士尼樂園規則!
譚嘉儀形容自己扮公主入樂團是「一件好大膽嘅事」,更笑言:「真係好大膽,30幾歲人,仲喺度扮公主呀!為咗拍Reels可以去到幾盡,有小朋友話:呢個公主假㗎!真係好尷尬」。在Reels影片入面見到譚嘉儀著住公主衫在城堡前面好開心地笑,更寫住「Instagram」的caption,鏡頭一轉就變成「Reality(現實)」畫面,媽媽同姐夫在園區外幫她手換衫及收衫。
短片公開後網民都讚她打扮用心,又形容她「返老還童」,不過亦有人留言指她有機會違反園方規定:「成人係唔可以在樂園入面扮公主嗰喎,妳真大膽,違反樂園規定。」原來迪士尼官網的樂園規則有寫明「十六歲或以上的賓客不可抄(着)裝扮服飾。對於我們認為衣著(着)不恰當或有可能影響其他賓客的遊樂體驗的裝束,我們有權拒絕他們進入樂園,或要求他們除去我們認為不恰當的裝束。」