股災月｜港股瀉千點 重返97回歸前收市價 陳政深料續下跌 絕非「溝貨」時機

港股今日（24日）遭遇黑色星期一，恒指早盤插穿萬六關，續創至少13年半新低，收報15180點，全日瀉1,030點或6.36%，逼近萬五關口；科指插穿三千關，收跌9.65%，報2801點。重磅藍籌股「ATM」阿里巴巴 （9988） 及騰訊 （700） 均跌逾11%，美團（3690）更跌近15％。不過，明日出業績的滙豐 （005） 逆市升逾1%；而長建 （1038）則升逾4%，為今日表現最佳藍籌。

較去年高位累跌51％

都市傳說向來指10月是「股災月」，恰巧今年也再次應驗。艾德金融聯席董事陳政深（Ryan）向BossMind稱，「係咪10月一定會出股災？只能話今年出現咗，明年、後年係咪會出現呢？又未必。因為啲因素唔係10月先出現，只能拎數據作參考。」

事實上，恒指自去年2月創出31183點高位，及後經歷中概股監管風波、俄烏戰爭、美國聯儲局加息縮表等負面因素，至今日收報15180點，跌幅已高達51%，並且失守97回歸前最後一個交易日收市價15196點。

翻查資料顯示，今次港股跌幅逾五成，早已打破2018年中美貿易戰時期逾兩成半的跌幅，以及1967年「六七暴動」逾三成的跌幅；但與1997年亞洲金融風暴（跌61％）及2018年環球金融海嘯（跌66%）仍相差一段距離。

至於1973年香港股災為香港股票普及化後第一次股災，亦是香港股市史上最大規模的股災，恒生指數於一年內大跌超過九成，數以萬計的市民因此而破產。

內地政府面臨多項挑戰

對於港股今日急插，Ryan分析，「20大」會議結束後，市場猜想未來一段時間整個國家政策，將延續過往十年以總書記習近平為首的方針，包括科技、房地產相關政策，「最致命係外交政策，喺外資同外國關係上，暫時睇唔到一個改變，市場最擔心經濟增長冇動力」。

他指，內地政府將面臨數個挑戰 。第一，經濟增長疲軟，尤其「三頭馬車」數據呈現下行；第二，中國人口預計今、明兩年見頂，市場憂慮勞動力、經濟動力因素，對房地產、消費等需求有所影響；第三，科技依存度甚高，美國總統拜登早前實施的晶片管制，對中國頗為致命。

以上因素使市場未敢押注大中華市場，港股因此沽壓嚴重，「港股16000點已經橫行一段時間，冇咩貨沽或已沽得七七八八。 但係而家再跌1000點， 因為原本仲押注喺大中華市場配置，而家信心都動搖。」

持重貨宜等反彈減持

Ryan料港股繼續下行、資金繼續流出，技術指標短線或會顯示反彈300點至500點，但預期港股之後再一級級下跌，先看下方支持位15000點，再下看14800點，他表示，港股即使重返2008年10676點低位也不出奇。

若果仍然持有港股重貨應如何部署？他直言，此前已有很多逃生門，「揸住重貨嘅你，要問自己夠唔夠錢使，如果好需要現金，就博反彈不斷減持。」他相信，港股向下行已是長期趨勢，不止是中期調整，勸告投資者必需嚴守止蝕，現時亦不是「溝貨」時機。

密切留意BossMind動向！立即CLS

FB Instagram Youtube