陳展鵬和吳若希（Jinny）在無綫劇《香港人在北京》演夫婦，2人演得充滿CP感，Jinny今晚（30日）在社交平台貼出和展鵬合照，並親揭一個童言無忌事件，令她忍俊不禁：「我個女嘅靚仔同學嘅媽咪同我講，靚仔同學睇到我喺電視度叫港仁（陳展鵬）做老公，好驚訝地亦都好認真地問佢媽媽：『點解Giselle媽咪叫第二個做老公？咁Giselle爸爸係咪無咗？要換成呢個爸爸？』好可愛 #好大嘅誤會。」
陳展鵬老婆單文柔也留言笑稱：「豬比（展鵬女兒）都問，點解叫Jinny姐姐做老婆？」Jinny回覆對方：「我對仔女淨係關心我係衰人定係好人…」單文柔再回應Jinny：「證明你佢喺心目中好重要，只可以做好人。」
（即時娛樂）
