張繼聰與張敬軒有親戚關係,可能未必能從兩人的相貌看出來,但原來也有人覺得他們似樣?身為表舅父的張繼聰日前就竟然被一班年輕人認錯為張敬軒。
張繼聰在社交平台threads分享經過:「今日行沙灘,迎面行過一班後生仔,佢哋嘅反應?當然係見到名(明)星果隻啦😏 然後我老婆聽到班年輕人話: 『嘩,張敬軒吖😍』我ok吖😌慣咗,森美大哥都係近排先冇再叫我軒仔」
張繼聰指,後生仔更找他合照:「我仲諗住叫佢哋記得投我一票我最喜愛男歌手😂好在佢哋話好鍾意睇飯戲攻心。不過當然都唔排除,佢哋以為飾演二佬嘅係軒仔😂🤦🏻♂️」
他笑稱若下次再有人認錯,會出奇招:「放心,下次有人再認錯我,我唔會特登喺佢哋面前講粗口😏😂仲可能會除衫,咁佢哋就會話張敬軒真人好斯文同埋好大隻✌🏻」
網民紛紛搞笑回應:「除咗衫之後啲後生仔會知認錯咗,哦完(原來)來係森美」、「年輕人:張敬軒同謝安琪密會」、「佢心諗乜軒仔曬到咁黑 去完非洲嚟」,Edan呂爵安則搞笑寫道:「軒仔做咩唔剃鬚」