《劍星 Stellar Blade》爆機試玩感想+攻略心得│物化女性還是遊戲界最後樂土？比試玩版爽快有型N倍！必學「閃現」、「擊退」、「衝擊波」技能快速睇多重結局爆機要上雲端backup save

（cc字幕製作中）
Sony早前邀請了傳媒試玩《劍星 Stellar Blade》完整版，此game不用看內容，只放女主角造形出來已成為近期最矚目遊戲，甚至乎不少機迷推祟它是守護遊戲界美少女的最後樂土。Vincent作為一名紳士，就算幾忙都好，都要花20多小時打爆機出條review片畀大家睇。
先講結論，女角係靚嘅，係搖嘅，但最重要是動作部份真心好玩嘅。試玩版已感受到操作上有潛力，但好像有點鈍同變化不夠多。來到完整版，除了Eve招式多了，敵人同關卡設計亦都有心思。尤其是遊戲後段，有難度的boss戰連發，如果淨係睇女唔認真對付，真係可能卡關。小瑕疪係有，但算係一款玩得出自己風格的動作遊戲。
至於賣弄性感問題，衣服一定係誇張的了，有啲設計暴露到帶點搞笑，但我會形容女主角Eve是帶點喜劇感的性感武打女星，遊戲主要都係想設計一個動作帥氣，拿刀劍喪劈異形怪物的少布美少女，並沒有太多鹽花，唔好話觸手play，甚至服務觀眾的close up也不算多，這種程度的fantasy我覺得在遊戲世界是應該可以容許的。
影片入面都有部份攻略心得，包括推介學的技能，以及閃現、擊退的使用方式。當中遊戲有多重結局，筆者玩到2個，唔知有冇更多，爆機前選擇肢出現前記得雲端或uusb backup save，咁就可以比較快手睇齊兩個結局。
遊玩時間：24小時
為方便剪接遊戲畫面以1920 x 1080 解像度、webm格式、使用PS5內置錄影功能錄取，畫質僅供參考。
#stellatbalde #劍星 #ps5 #shiftup #eve #playstation #gadgetgang