姜濤叱咤後自省作品〈Dummy〉上架 半日吸超過76萬Views

2023年來到年中，姜濤終於有今年首支派台作品〈Dummy〉，說是在叱咤頒獎禮演出後的一次自省作品，而且由台灣找來強勁幕後班底炮製MV，編舞的排舞老師更是羅志祥的御用的大目，MV上架半日，已經有超過76萬Views，的確比其他MIRROR成員的單曲更受歡迎。

姜濤自叱咤事件後，想要推出一首能夠道出心聲及提醒自己的作品，姜濤說：「叱咤之後，對於自己好多表現都好唔滿意，所以希望出一隻自嘲嘅歌，同時藉歌曲提醒自己要保持清醒，觀眾無論鬧或讚，我都能夠勇於去接受，因為有人鬧、有人話，都好過冇人留意，而且自己仲有好多進步空間。因為想帶出呢個Message，所以用咗3、4個月籌備歌曲。」

〈Dummy〉由KW朱敏希作曲、梁栢堅填詞、Y.Siu編曲、Edward Chan監製，MV方面，姜濤邀請了在台灣被譽為鬼才導演伍致綸Ares Wu操刀，他曾執導MV有五堅情〈MOON LANDING 月面著陸〉、ALL IN 5〈PRINCE〉等MV。而且更有自己偶像羅志祥的御用排舞老師大目為〈Dummy〉編舞，姜濤說：「喺台灣甚至香港，所有排舞老師都識大目，佢係一個非常有經驗嘅排舞老師，所以非常榮幸有佢嘅參與，而今次有台灣團隊參與，都俾我好多新感覺、新體驗。」在舞步中的敲頭動作，原來是姜濤自己構思出來：「一聽到〈Dummy〉嘅前奏時，第一時間就諗到敲頭、敲醒自己嘅動作，所以我有同大目老師講，我想將呢個動作放喺Signature Move入面。」
最後姜濤補充：「〈Dummy〉藉木偶題材去講返我自己。喺過去一段時間，自己慢慢都變成一個木偶，自以為可以做到好多嘢而唔知自己係一個被操控嘅木偶，希望自己可以覺醒，可以變成一個聽到人哋講嘢嘅Artist。」