TVB「阿七」吳嘉儀明天出嫁　告別單身前分享婚紗fitting照

32歲「阿七」吳嘉儀去年於《開心無敵獎門人》擔任新「獎老」而為觀眾熟悉。阿七於6月24日宣布與圈外男友「豬仔」Leo拉埋天窗，將於明天（8月13號）舉行婚禮。

婚禮的籌備工作已經進入尾聲，阿七昨晚在社交平台分享最後一次試婚紗的靚相，寫道：「哇！仲有1日半、多謝我個萬能planner，靚靚婚紗& 美麗嘅掛畫安全到埗，附上 fitting嘅歡樂相，哩套裙果日短暫著一著就要換喇！多謝用心幫我整logo嘅每個單位 #813wedding #豬新娘 #殺到嚟喇 #繼續祈禱唔好落大雨」。

阿七於6月底宣佈將於8月中出嫁，當時她在社交平台寫道：「party邀請卡製作中，希望大家有時間當日嚟party搵我影相，我會好開心。多謝各路英雄好友嘅祝福問侯（候）。PS. 我非常熱愛工作，繼續搵我拍劇拍節目、帶貨直播。多謝各大media祝福」

一對準新人於7月底按照傳統進行中式過大禮，氹得阿七嫲嫲十分開心。「順利完成過大禮，當初真係咩都唔識，好迷茫，多謝上天賜我貴人s」她再次多謝各media，表示嫲嫲都技能解鎖。「仲有3星期，打埋終極大佬就好喇」。