近年不少港人離港移民，大家都有或多或少送機經驗啦？鄧麗欣(Stephy)昨晚就在IG分享到機場送中學同學機Pecky Chiu的相片，而且留言更加寫下前女字組合Cookies歌曲〈最後一塊〉的歌詞，不少網民都留言大讚經典，有人更說這首歌一直陪伴她的讀書時代，現在都結婚生仔了。係呀鄧麗欣都39歲喇。
Stephy昨日在IG分享送好友機留言：「誰離開，誰連戲，誰人必須執行李🧳呢首歌今日一直喺我腦海旋轉。認識你的時候中一，那時候我住12樓，你住6樓，記得每天我都會搭lift落嚟6樓等你一齊行返學，有時你會呃我，你話你出得門口，但係我落到嚟仲見到你刷緊牙，唔緊要啦，我唔嬲🥹過幾年後你搬去一個同我相隔幾個輕鐵站嘅地方，當時我已經好唔捨得，沒想到25年後嘅今日，你要搬去一個離我有九千幾公里遠嘅地方，呢個心情，真係好難用言語去形容🥲這一刻的離別代表下一刻的相聚，相信距離並不會阻隔我們之間的愛，因為我們都珍惜彼此❤️祝福你有一個美好的新開始🌟我地好快會再見面🥰愛你喲趙bigbig😘😘😘 #4406是不會變 #圖5哭腫了眼的我們 #以後五缺一 #好快再見 #最後一塊」另一前Cookies成員區文詩亦有留言：「all the best❤️」