唔少人近年來都會玩Speed Dating或者交友App識人，不過如果覺得Speed Dating好尷尬，面對面傾偈食飯唔知講咩好，大家可以選擇參加呢個「情緣獨木舟」！大家可以玩住獨木舟，喺一個極美嘅海景同對象靜靜地談心，帶嚟不一樣嘅Speed Dating體驗！如果想透過呢類活動揾到另一半，不妨考慮下參加呢個體驗，可以深入了解對方，係一個唔錯嘅選擇！
圖片來源︰Holimood｜撰文︰Sharon
「情緣獨木舟」約會一日體驗將於9月12日舉行，活動開始時，會提供熱身活動同破冰遊戲等熱身活動畀大家玩，認識彼此。之後就會有教練教授基本嘅獨木舟划行技巧及安全知識。當掌握好獨木舟划行技巧，就可以正式划獨木舟去到橋咀島泳灘，2個人一組划一隻獨木舟，可以途中同對象一邊划一邊談心，享受大自然嘅美景！
去到橋咀島後，大家會利用簡單嘅食材，製作DIY午餐，呢個係一個好好嘅時機同你嘅對象表現自己廚藝嘅時候啦！食完午餐仲有神秘配對小遊戲，為咗可以同唔同嘅參加者有更多相處嘅機會，大家可以交換Partner添！最後喺遊戲中勝出嘅參加者更可以優先選擇回程時嘅獨木舟拍檔，如果想同心儀嘅對象相處耐啲，一定要喺比賽中取得勝利啊！
遊戲結束後，參加者會同拍擋划獨木舟返回沙下，進行下一輪環節「Beer Talk」，對住海灘邊飲酒、邊談天，可以同你想繼續聯繫嘅對象交流，甚至係交換聯絡方式！
無論呢個活動可唔可以識到另一半，但可以認識多啲新朋友都係一個唔錯嘅體驗，名額得16個，幸福唔等人架，仲猶豫緊嘅你不如約埋朋友一齊參加啦！
「情緣獨木舟」行程︰
09:30 -10:30 熱身活動、破冰遊戲
10:30 – 11:00 學習獨木舟划技巧
11:00 – 13:00 划獨木舟至橋咀島泳灘
13:00 -14:00 DIY午餐
14:00 – 15:00 神秘配對小遊戲
15:00 – 17:00 划獨木舟回沙下
17:00 – 18:00 Beer Talk
【INFO】
日期：2021年9月12日
時間：09:30 – 18:00
路線：沙下往橋咀泳灘
收費：$688 一位
建議年齡：18-40歲
留言 0