出戰《3日2夜》！35E白雲Big波「震」懾台男

無綫節目《3日2夜》出名多索女，好似陳庭欣、陳詩欣、鄺潔楹咁，唔係樣靚就身材正，而擁有35E「胸器」嘅白雲都加入戰團！節目最新一集就係由佢帶大家去到台灣外島澎湖品嘗美食同潛水，但網民都係醉翁之意不在酒囉！

白雲喺節目中不斷換裝，又泳衣、吊帶、小背心，就連着潛水衣都好有睇頭！佢去到海上皇宮時仲獻出第一次，就係食蠔喇！着上超低胸吊帶裙嘅佢介紹點樣燒蠔，雖然隔住個Mon都覺得好食，但都唔夠佢條4吋事業線吸睛，連佢附近嘅阿叔都忍唔住𥄫！

之後佢再到海洋生態公園欣賞水底薰衣草森林，雖然潛水裝上陣，但胸前拉鏈冇拉埋微露線頭，又喺水底晒出長腿，盡展曲線美！跟住去玩水底漫步前，佢就搵教練講解裝備，但身穿短袖低胸上衣嘅佢「胸前」偉大，烏身試拎重超過35分斤嘅頭盔時，心中激盪非常「震」撼，你叫教練雙眼望邊好呀？就算密實白色小背心，亦難掩其豐滿上圍，真係教電視機前嘅觀眾回味無窮呀！

---------------

立即參加「賞您睇」： https://tinyurl.com/y2e6pmwk　　

Click下面粒掣，儲on.cc coins！機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/