新蒲崗日式「精進」料理素食 Café！東京學藝製作素食/專注鑽研每一道菜式

主打日式素定食嘅 MUM Veggie，沒有大肆宣傳也沒被 KOL 追捧，但每到午市或假日總係人流不絕甚至排隊等位，客人回頭率極高！

原來店主曾到東京學藝，只為用對的方法去做好素食，當時跟隨日本「精進料理」嘅老師學習，其中對做素菜嘅信念來自日本廟宇，看似再簡單嘅素菜也要專注鑽研，不斷重複嘗試、改進。

看看餐牌，菜式嘅款式都十分樸實，但背後花了不少心思與時間作調味及食材配搭，簡單像一碗米飯，加入藜麥、鷹嘴豆等，令味道與營養也更豐富。又簡單如昆布高湯，特別加入日曬蘿蔔絲及海藻，令味道更富有層次。

店主堅持每做好一款料理，才慢慢增加更多款式，現時冷、熱菜式加起來約十數款。客人可任選三項($100) 或四項($125)，配有味噌湯、麥茶及五穀雜炊飯或正氣黃薑飯，部分款式需另加 $5-$10。

熱品最受歡迎嘅款式有蓮藕五目煮、本菇茶杯蒸、南瓜薯餅、關東煮等，冷品有納豆秋葵、柚子醋漬番茄等，不論是素食者與否，在這裏都可以吃得心滿意足。

地址：新蒲崗仁愛街34 號 G/F Shop B