請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

網民嚴選TOP5最痛苦返工地點 返機場都未係最差?返呢區遲到搭的士都無用!|玩樂熱話

身為打工仔當然想找一份人工高福利好的工作,如果可以返工近屋企就更加完美!事實上大部分公司都會選擇在人流多的旺區,如觀塘、荔枝角,雖然交通方便,但返工放工就好似玩大屠殺,行慢一點都會被推撞、踩鞋,不過亦有公司會選擇荒蕪之地,但公司太遠太隔涉亦令打工仔感煩惱,最近便有網民討論香港五大「最痛苦」返工地,究竟有哪些地區上榜?

網民嚴選最痛苦返工地點TOP5

返機場都未係最差?返呢區遲到搭的士都無用

網民嚴選最痛苦返工地點TOP5 返機場都未係最差?(圖片來源:unsplash/Florian Wehde)

5. 數碼港

網民形容數碼港除了景靚之外,便一無是處,指地方偏僻遠到好似去旅行咁,而且無啖好食,無嘢好行。有網民指如果7點放工的話是沒有可能一小時內出返市區。

網民留言(圖片來源:連登討論區截圖)
網民留言(圖片來源:連登討論區截圖)
網民留言(圖片來源:連登討論區截圖)

4. 大埔工業邨

有網民指大埔本身已經唔就腳,而大埔工業邨是一個唔就腳的偏遠地區。因為無地鐵接駁,巴士小、小巴班次疏,放飯亦無啖好食,想食好啲就要行20分鐘落富善先有好嘢食,非常之唔就腳,難怪曾被網民稱是「狗也不X的返工地點」。

網民留言(圖片來源:連登討論區截圖)

3. 將軍澳工業邨

而將軍澳工業邨亦被指是孤島,與世隔絕,網民表示在將軍澳工業邨上下班一定要靠公司接駁巴士,交通不方便。而且近垃圾堆填區、經常有臭味傳出,同樣是無啖好食,方圓十里都無餐廳,只得員工飯堂,如果想食好少少便要行到日出康城,但都要行15至20分鐘。

網民留言(圖片來源:連登討論區截圖)
網民留言(圖片來源:連登討論區截圖)

2.機場

聽到機場9成人都會覺得遠,雖然很多時都可以一程車便到達,不過返得機場預咗要24小時輪班,交通時間又長,車費又貴,仲要無嘢好食。有網民稱做機場三跑更誇張,指如果走了一班船便不用上班或返屋企。

網民留言(圖片來源:連登討論區截圖)

1.觀塘

觀塘雖然交通方便,但塞車情況嚴重,經常日夜都塞車,如果遲到搭的士都係無用,因為一樣塞到暈!更有人笑指觀塘返工的塞車時間可以夠讀一個學位。

而且因為觀塘人流集中的關係,放飯時間搵位食飯亦有困難,而且空氣差,好天曬落雨淋,有人指一到下班時間觀塘區的打工仔就好似上演真人版的「大遷徙」,人流超密集。

網民留言(圖片來源:連登討論區截圖)
網民留言(圖片來源:連登討論區截圖)
網民留言(圖片來源:連登討論區截圖)
網民留言(圖片來源:連登討論區截圖)

常見問題:

問:最痛苦返工地點有哪些?
答:包括數碼港、機場等,第一名就入文章自己睇啦!

問:怎樣選出最痛苦返工地點?
答:網民主要從交通、人流及膳食作考慮