羅家英與徒弟謝曉瑩早前接受HOY TV主播俞詠文訪問，謝曉瑩表示家英哥算是帶她入行的前輩，因此十分尊重他及汪明荃（阿姐）。她說︰「喺嚟緊嘅中華文化節入面，有一套粵劇叫《馬湘蘭》。為咗吸引更多新觀眾接觸粵劇，我特別邀請家英哥同我合作，錄製一首國風戲腔歌叫做《金陵幽蘭》做宣傳，將傳統粵劇戲腔注入流行音樂元素，成為新劇嘅主題曲。」
家英哥談到謝曉瑩的表現時一針見血地說︰「我平時有睇佢做戲，仍然需要歷練，仲未夠火喉﹗佢嘅面部表情需要再改善，花旦唔適宜太誇張。曉瑩一直都係自己寫劇本畀自己演，好多時跳唔出自己嘅框框。佢其實應該要做吓人哋寫嘅劇目，睇吓人哋嘅戲，將知識範圍擴闊啲﹗」
謝曉瑩解釋近年風氣使然，才會多演出自家創作的劇目。她表示︰「其實如果唔係要特別宣傳嘅戲，我都會做好多舊戲或古老戲，但係觀眾嘅口味，佢哋好多時都想睇新戲，其實都係市場主導緊我哋。聽到家英哥話我其實好開心，因為人愈大，批評你嘅人只會愈嚟愈少，真係想聽真話都難，所以有家英哥嘅提點，我真係好感恩! 」
（即時娛樂）
留言 0