無綫台慶劇《黑色月光》前晚（30日）一集，真姊妹楊茜堯及楊卓娜同框演出，根據資料，2人是首度同框飾演姊妹，而且更是冤家型姊妹。其實漫星（楊卓娜/葉蒨文分飾）與滿月（楊茜堯/廖慧儀分飾）原本感情要好，但因滿月及妹妹曦晨（黃翠如/區明妙分飾）於18年前遭逢不幸，事件令余家家破人亡，更因招惹閒言令漫星婚事告吹。為此事耿耿於懷的漫星，對滿月既是怨恨亦不無愧疚，態度自然惡劣，2人關係因而愈走愈遠。
出名好戲的楊卓娜，前晚一集邊強忍淚水、邊痛心大罵茜堯，句句撐到行之餘，眉頭眼額亦演活了角色的十三點又帶點潑辣單純的性格，對於奉旨與楊茜堯嘈交，卓娜稱拍攝前沒有和茜堯溝通：「大家都係跟住個角色去，一埋位已經知道係點（做），我哋都好有默契。（鬧出真火？）我哋分得好清現實同戲劇，絕對唔會有hard feeling。」問到二人現實中曾否試過激烈爭吵，卓娜笑言：「當然有試過嘈交，但唔會有咩激烈爭吵，最多都係大家頂兩句，同埋我都唔識鬧人。」
（即時娛樂）
留言 0