頂流花旦趙露思尋日(29日)現身內地活動,以一身白色真空針織衫上陣,少有夾出小峽谷賣大包,加埋佢忽然換上一頭中短髮見人,全新形象被大讚純淨無暇,新鮮感勝十足,難怪攻佔多個熱搜位置。不過佢就差啲老貓燒鬚,落台時竟然踩到條裙,險即場仆低人前,驚嚇度爆燈!
佢今次成個Look唔同晒,原來係10月將同上位小生彭冠英開拍新劇《流魚》,佢為新劇角色剪咗一頭俏麗及肩短髪,髮色亦染成亞麻色調,造型立刻登上熱搜。趙露思呢個短髮樣,更意外撞臉趙麗穎,掀起網友熱議。
東網網站 : https://on.cc/東網Facebook專頁 : https://www.facebook.com/onccnews/
留言 0