請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

東方日報C2:余香凝感激「閨蜜」開綠燈 成就影后之路

on.cc 東網

更新於 05月11日19:01 • 發布於 05月11日19:01 • on.cc 東網
11
11
余香凝家庭事業雙贏,全賴背後有母親的支持。
余香凝家庭事業雙贏,全賴背後有母親的支持。
余香凝早前迎來事業高峰,榮膺金像影后。
余香凝早前迎來事業高峰,榮膺金像影后。
余母夠開通,讓余香凝(左)與妹妹潔滢可放心在娛圈闖蕩。
余母夠開通,讓余香凝(左)與妹妹潔滢可放心在娛圈闖蕩。

出爐金像影后余香凝堪稱「人生勝利組」,與老公陸政渡已湊成「好」字,近年事業發展更見如日方中。在原生家庭中,她與母親儼如閨蜜無所不談,更由於母親夠開通,間接造就其「登頂之路」。

余香凝與母親多年來從未試過發生拗撬或冷戰,凡事有商有量,這亦直接影響了她與囡囡Clare平日的相處模式。談到母親,余香凝即滔滔不絕:「媽咪好開通,當年初戀時我只係搞緊曖昧,媽咪已經聞到味,走嚟問我做乜拍拖唔同佢講,仲叮囑我同男友相處要收起『毒舌大狀』嘅性格,哈哈!」當日她獲求婚後,母親亦有向其男友說:「佢有時係惡咗啲,但講嘅嘢都有道理嘅。」

16歲時獲星探發掘,余香凝躍躍欲試想入行見識,可惜當時未獲母親支持,向來孝順的她即時選擇放棄,並跑了去快餐店打工:「嗰個年頭好興出寫真,所以媽咪好擔心我,後來佢見到我做快餐店咁辛苦,就主動問我係咪想試吓(入行),陪我上經理人公司了解咗之後就好放心喇。」母親點頭並在合約上大筆一揮,成為了余香凝人生的轉捩點,更間接促成其影后之路,難怪上月領獎時,她不忘在台上感激母親付出的種種。

這個母親節,余香凝卻擺了個烏龍,未能與母親一齊慶祝:「因為我拍緊劇,自己記錯咗開工日期,以為要返工,所以媽咪就約咗阿姨出埠去旅行。依家佢能夠過半退休生活,我都好開心。(你自己點樣慶祝?)都係簡簡單單,同屋企人去飲餐茶同切蛋糕,然後帶對仔女去放電。(諗住收乜禮物?)小朋友仲細,佢哋未識啦,但相信囡囡會有啲學校小手工啩?」

愧疚拋低家庭拚事業

談到最難忘的母親節,她感性表示:「嗰時我讀緊小學,同細妹趁媽咪返咗工,放學後返屋企執好晒間屋,仲落街買咗束花放喺廳,媽咪見到好感動。嗰個年代冇家傭,媽咪負責晒屋企所有嘢,仲要應付我同細妹成日打交爭嘢玩,佢真係好偉大。」近年最令她愧疚的,莫過於有時要拋低家庭,拍戲拍到天昏地暗,不過日子再忙,她仍堅持抽空與小朋友嬉鬧耍樂:「好似今日朝早5點半就要開工,返到屋企就要親子樂。精神上其實好攰,但始終係自己嘅選擇,小朋友係我要生嘅、拍戲係我嘅興趣,揀得就唔好怨。」

另外,余香凝近日接受電台訪問,談到與舊愛陳家樂曾發生車禍,她坦言:「係我人生一大衝擊,令我知道意外可以隨時發生,令我更珍惜生命,愛家人要及時表達。」對於當年雙方分手成為熱話,她說:「大家嘅發展同性格唔同,係時候好好說再見。(人哋話你愛財喎?)呢件事令我知道做演員要承受輿論壓力,有啲人喺度煽風,要學識自己調節同做好自己。當時好唔開心,有好多網絡攻擊,但同時收到好多鼓勵及支持,我相信善良係存在嘅。」她坦言近年都有睇陳家樂主演的電影,高興彼此都不停進步。

更多新聞,請瀏覽東方日報網頁:

https://orientaldaily.on.cc/

東網網站 : https://on.cc/東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 0

沒有留言。