林家謙昨晚（10月6日）於澳門倫敦人舉行一連三場的《L*underground SNEAK PEEK》演唱會，一號風球之下，無減觀眾支持及熱情。演唱會更是安歌又再安歌，觀眾一直不肯離開，最後家謙安歌兩次。林家謙以《潛水》一曲為演唱會作揭幕，帶大家潛入海底，林家謙對觀眾說：「趁颱風小犬未打到來之前，不如我哋潛落水底，匿埋一陣避一避先。」接著就用《一人之境》帶大家沉海底。
「林大師」接著帶大家去倫敦的地下鐵載歌載舞、邊唱《特倫斯夢遊仙境》邊解領帶，再帶大家去倫敦的街頭busking又跳又唱《doodoodoo》《夏之風物詩》等歌。舞台上他笑問觀眾：「搭船過來嘅，大唔大風大浪？有冇暈船浪呀？舊年我開騷，好似活係自己世界入面咁，冇乜同大家講嘢，今次聽下大家啲聲先，同大家講下嘢。歡迎大家到來L*underground，呢度係一個幻想虛構出嚟嘅國度，你哋可以幻想飛天，幻想自己喺倫敦，幻想風和日麗啦，總之大家要幻得開心！」
ENCORE一次之後，歌迷全部不肯離開，林家謙再次出場，引起現場一遍混亂，歌迷由座位中衝到台前，一些以為演唱會結束的歌迷，大批衝回場館之中，家謙對著衝返入來的觀眾笑道，「走咗就唔好返啦，哈哈。」幾千人齊聲大叫「記得」，於是他跟觀眾一起大合唱《記得》，為今次演唱會真正作結。
去年紅館的SUMMER BLUES演唱會，林家謙遇上颱風「馬鞍」，要延期擇日重賽，今次又遇上颱風「小犬」，昨晚不少歌迷已經留言集氣，希望颱風小犬吹遠啲，唔好影響第二晚同第三晚演唱會，不少買了船飛的歌迷也十分擔心。大會今日中午十二點宣佈，今晚林家謙的演唱會如常舉行，如演出前颱風訊號高於3號風球，才會考慮取消。因受颱風小犬影響，如以下任何一個警告訊號告生效 （8號強風訊號／紅、黑雨警告信號），大會將會作出有關相應安排。