郭珮文孖潘明璇伸脷食漢堡　「大騎樓」晒波露腰搶Fo

雖然今屆港姐競選早已告一段落，不過落選港姐人氣仍然高踞不下，其中有着「大騎樓」美名嘅郭珮文，其知名度更蓋過一眾小生花旦。樣靚身材正嘅佢甚有觀眾緣，加上佢成日毫不吝惜咁喺社交網大派福利，更畀網友封為「高海寧2.0」，而向來「好波」嘅佢，日前更喺社交網晒出一段別具風味嘅「波霸薯條」影片，只見晒出導彈胸食薯條嘅佢，完美咁將「美味」二字透過表情表達出嚟，搞到唔少網友留言爭住做佢手上條薯條，誘惑模樣認真惹人遐想呀！

另外，原來同行食薯條嘅仲有落選港姐潘明璇，只見潘明璇喺社交網晒出同郭珮文歎漢堡包影片，而負責揸機嘅潘明璇雖然笑容甜美，不過就唔夠拎住漢堡包郭珮文搶Fo，只見拎住咬咗兩啖漢堡包郭珮文，唔止青情多多精靈得意，仲笑笑吓突然伸埋脷，認真誘人犯罪！

東網網站 : https://on.cc/東網Facebook專頁 : https://www.facebook.com/onccnews/