古天樂驚傳神經壞死半邊身麻痺 「突然收到好多問候關心」

古天樂出道多年一直活躍於電影界，近年更做埋監製，製作及主演科幻巨作《明日戰記》！但日前有報導指古天樂在拍攝期間右半邊身體突然麻痺，更被醫生診斷出「神經全壞死」，只能靠吃止痛藥繼續硬撐拍戲，消息一出嚇壞網民。

古天樂日前受訪時自爆頸椎一直有毛病，一開始不以為意，直到有日拍完戲突然右手麻痺，接住連右腳都麻痺無法好好睡覺就急去求醫，當時醫生表示：「你這太嚴重了，已經傷到神經了，你的神經已經全都死了。」雖然身體情況不好，但因為古天樂要趕拍《明日戰記》，就請醫生開嗎啡止痛撐住，到拍攝完畢才動手術治療。

今日古天樂就在Facebook出PO親自回應：「今日突然收到好多問候關心，但又唔係同我講生日快樂。大家放心，其實報導標題係有啲嚇人，我喺訪問係話幾年前醫生講再唔處理就神經壞死呀！幾年前做完手術加咗鈦金屬喺條頸度，之後我已經好返哂喇！所以我之前咪話咗我係鋼鐵造囉。」