【《FFXVI》試玩報告】戰鬥頂級、故事一流、自由度為零│戰鬥攻略分享：善用半break計、查閱技能master強化效果│禀賦者設定解說：奴隸未必想英雄救?（Final Fantasy XVI）

GadgetGang得到了《Final Fantasy XVI》試玩邀請，作為FF老粉Vincent都唔會鬆章，呢條片都希望盡量客觀，畢竟今集都算係絕地反擊，一定要認真對待。
先講結論，遊戲戰鬥部份頂級，故事同畫面演出一流，自由度暫時所見，係零，甚至迷宮都冇分叉路，雖然如此，但筆箸覺得仍然係一隻水準好高既rpg。
製作團隊聰明咁選擇放棄多餘要素，聚焦喺故事同戰鬥，暫時玩落反而很對味。戰鬥打大佬有feel，戰鬥系統解說和一些心得請看影片介紹，更難得係故事有回過往舊FF的壯詩感覺。
雖然整體仍然有FF味道，角色有點MK、有點中二，但今次故事睇得出比較沉重。初期有幾幕大尺寸畫面刺激眼球，後來都真係有對劇情有影響既傷亡大事故，感受到四大國之間的戰爭感。主角一邊面面對自己的家族慘劇，一邊投入解放組織拯救稟賦者奴隸，而最特別係部份奴隸只想歳月靜好，未必想人救，成個世界觀設定幾吸引。
的確現今主流係玩open world，但亦都有好多亂跟風、亂加開放式元素的平庸遊戲，《Final Fantasy XVI》果斷唔open，爽快衝衝衝，其實係明智抉擇。市場接唔接受到就好難講，但如果鍾意rpg、鍾意FF的話，今集值得一試。
#finalfantasy #ffxvi #ps5 #ff16 #playstation #gadgetgang #finalfantasyxvi #gaming #gameplay