台灣天王周杰倫（周董）近日現身法國巴黎，於時裝周現身某品牌嘅全球代言人，人前Chok爆登場，私底下周董亦同樣咁忙，尋日（25日）佢就喺社群媒體晒出同韓國創作天王G-Dragon（GD）及全球爆紅劇《魷魚遊戲2》飾演男星任時完合照，周杰倫手拎酒樽，GD則拎住一張啤牌，感覺三人唔只係吹水咁簡單，有粉絲更係大膽推測三人暗示有合作。
周董晒出多張同GD、任時完私人聚會合照，其實周董早喺2022年就帶埋老婆昆凌同GD碰面，GD亦送周董自己嘅聯名球鞋，顯見兩大天王已有私交，如今加埋任時完，歌迷許願3人有新合作，一係有新歌面世，一係任時完、GD一齊現身周董嘅《周遊記》錄影，同樣令人非常期待。
東網網站 : https://on.cc/東網Facebook專頁 : https://www.facebook.com/onccnews/