多方聯乘，Ekiden 提供比賽名額及住宿、HKExpress 提供機票、Watsons HK 提供aminoVital 能量補給品、On 提供訓練及比賽裝備。三位藝人梁諾妍（Inez） 、洪永城（Tony）和楊潮凱（Hoi）將會出戰11月17日 的神戶馬拉松。
關於神戶馬
IH（Insports Hub）：將會出戰神戶馬拉松，心情如何？
Tony：又開心又緊張又興奮。
Hoi：沒有特別緊張，可能近排很忙。
Inez：心諗可以輕鬆完成就好了。
IH：之前最長的比賽是跑多少？
Tony：COVID 期間試過跑 virtual run 全馬。
Hoi：就是去年香港馬拉松的半馬拉松。
Inez：當然是全馬啦！兩次東京、金澤、芝加哥和香港馬拉松。
IH：今次完賽目標是什麼？
Tony：希望是5 小時內完成。其實當中一波三折，又要出國拍攝，腰傷又休息了一個月左右。所以怕完成不了，身邊很多人都知道我會跑馬拉松，都有點怕完成不了而失禮。甚至，試過發夢都有夢見架巴士追住要車我返終點。
我會用三字真言來描述今次目標「看自己、莫攀比」。始終是第一次跑，過程比結果重要。
Hoi：用上次半馬拉松來預測，應該5 個鐘左右。因為近排跑多了下膝頭有啲痛，希望到時傷患唔會影響太大。
Inez：報名時已經知道神戶馬拉松要上神戶橋，都預計PB 應該有點難。本來想sub 4，但之前做了個小手術而停練一段時間，所以4 個小時左右會是目標吧。
IH：為什麼會想跑馬拉松？是否Inez 迫你哋？
Tony：呢個問題我唔方便答「係」。
Hoi：其實係我迫Tony 陪我的。因為上次跑半馬時，Tony 因工作關係而未能一起，所以今次是要求Tony 陪我👬。
Inez：實情是Tony 想每年有一個achievement，所以我就提議不如跑一次全馬拉松啦！
IH：大家決定跑神戶馬拉松，有沒有其他特別原因？
Tony：為了有一個安靜和安樂的家、家庭因素和維繫夫妻關係，所以我一定要完成神戶馬拉松。
Hoi：當去神戶睇景，之後用於拍攝。其實我人馬座很嚮往個人主義，跑步是我的me time，很多ideas 都是在跑步中想到，因此都期待今次馬拉松之旅會帶給我點什麼。
Inez：一直都想同老公一齊去跑馬拉松，雖然我哋唔係同一配速，但都是sweet 的（Hoi：Sweet 到想追多個仔？）。
其實我一直想每一年以跑馬拉松為名去一次旅行，現在由一個人的事變做兩個人拍拖可以做的事，更覺得高興（Tony：我是倒轉的，係去旅行為主，跑步只只是次要）。
關於訓練
IH：你們都是藝人，工作不定時，練跑應該比朝9 晚5 的打工族大有不同，可否分享一下？
Tony：上班族的schedule 比較固定，收工就到運動場跑步，定時定後會容易習慣。我哋工作唔定時，休息又唔定時。所以自我安排時間、抗誘惑能力、紀律都要比上班族更強。
Hoi：狀態的確會不穩定，例如開工0500，人都未瞓夠；收2700 時，小睡後起身跑步亦只會跑得不好。不過，跑步都是挑戰自己，令自己更有自信心，所以我會因應自己的狀況來調節自己的目標。其實亦是一個很好了解自己的過程，又例如年紀大咗，體能都會下跌，如何按照不同狀況來保持現時的狀態才是重要。之後再說就是意志力，如何在辛勞的工作中堅持，又是另一個學問。
Inez：我的紀律很好，因為真係好鍾意跑步（Tony：佢一擘大眼就想去跑步）。
雖然工作很忙，又多嘢拍（筆者：好多野拍咩？）、又要照顧屋企，但成為兩個小朋友的媽咪後，好似有另一條能量bar，會多咗力量去維持自己的喜好，所以瞓少啲都可以。另外，亦因為要帶女兒上學，將習慣夜跑改到早上跑步，此改變令到自己跑完後一整日都好似充滿能量一樣。所以只要喜愛跑步，就自動會自律地跑步。
IH：去神戶除了馬拉松，還有什麼其他行程計劃？
Tony：想拍片，拍一些短片做 social media content，但未有太多 idea。
Hoi：想去買BB 用品（筆者推介：西松屋，價廉物美），明X 奶磚，在日本的價錢比香港便宜很多，所以想知有幾多行李可以帶上機（筆者：HKExpress 為大家提供U-First 服務，包20kg 行李）。
另外，想行二手相機鋪，日本的二手相機質數比較好，而且近排日元兌換率低，更加想在日本買兩手相機。(Tony：想太多shopping，都唔係專心跑步😒）
Inez：食日本嘢，但我唔食牛，所以神戶牛係唔關我事（Hoi：我都唔食牛）（Tony：咁食馬肉刺身啦）。
關於裝備
IH：大家都著試左On 鞋一段時間，感覺如何?
Tony：舒服。已著 On 兩年。之前去日本旅行一星期，不停行街，完全唔會腳痛（筆者：只係行街唔提跑步😅）。
Hoi：好舒服，鞋底軟硬適中。
Inez：支撐性強，太硬會令我腳底起枕，太軟又卸了力，但穿On 就沒有這個問題。最鍾意Cloudmonster，屋企有好多不同配色。最正是行街和跑步可以同一對鞋都可以，易配襯。
*筆者注：Inez 和 Tony 著的是 Cloudmonster Hyper，既有推力又夠緩震。而 Hoi 於少傷下有特別要求，想偏向多緩震，所以是穿的是 Cloudstratus 。
IH：大家已經試過 aminoVital 作補給，食得慣嗎？
Tony：好味，易入口。
Hoi：好味道，可以當啫喱食。
Inez：跟以前濃度高、會jam 住個口的完全不同口感。aminoVital 非常易入口。
IH：大家已經試過 aminoVital 作補給，食得慣嗎？
Tony：好味，易入口。
Hoi：好味道，可以當啫喱食。
Inez：跟以前濃度高、會Jam 住個口的完全不同口感。aminoVital 非常易入口。
IH：Tony，假設性問題，如果老婆婆同潮凱一齊抽筋，你會背邊個返終點？
Tony：當然是Hoi 啦，老婆食多包gel 就可以夠力衝返終點；（指住Hoi）呢條廢柴就唔得，所以我會揀帶Hoi 返終點。
Hoi： 係愛呀 🥰！
關於個人
IH：Inez， 之前出了點意外，康復情況如何？有沒有影響訓練？
做了個小手術，停了幾星期跑。唯有在Fitnez 做重訓保持運動量。訓練少了一定會影響狀態，所以亦不奢望可以PB 完賽。
IH：Sir face 2.0 出生後，會否影響了你跑步習慣？
其實沒有，因為sir face 要上學，反而令我將跑步時嘅改在她上學後，連帶生活都更規律。
IH：Tony 的訓練計劃是什麼？是否全都順利完成？
以長課為主，間中跟老婆跑下interval。按計劃的話只完成了50% 左右，但會完成一次30k 長課（筆者按：在賽前2 星期，3 人已一起完成了一次終極長課）。
IH：老婆很喜歡跑步，有沒有給你帶來壓力？
係有嘅。昨天晚上又俾老婆鬧，話我無用，跑唔晒program（Hoi : 只係尋晚先鬧你咩？）😂
IH：你一直做過很多旅遊節目，如何看「旅跑」？
都同意潮凱講，跑步可以發掘一個城市，行街未必會經過，揸車亦未必經過。唯獨跑步可能意外跑過，影張相記低，有興趣可以之後再去，會有驚喜的。
IH：潮凱，聽說你一直有在外國工作和遊歷時跑步，試過在什麼地方跑步？為什麼會有這個習慣？
先講跑步的原因，其實之前踢波嚴重受過傷，跑2k 就腳痛，連足球都少踢了。但在COVID 期間少了打拳，身形開始走樣，唯有開始跑步。先跑2k，再到3k / 5k，習慣了後連10k 都可以無痛完成，現在亦從新開始踢波。
之後22 年去了不同地方的影展，如美國、意大利，為了保持跑步習慣就在早上周圍走走，亦發現了平時慣常旅行方式是會錯過很多景點。例如在柏林，由酒店跑到勃蘭登堡門都只是幾公里，中間經過的景觀是乘車時不會遇到的。
第二個小朋友剛出世，有否影響你備戰馬拉松？
當然有啦，以前大女上學後就是me time 。但細仔初生，要等外母過來接手才可以跑步，已經是太陽在頭頂的時候，亦因如此，不可以跑很長時間。
這個情況相信要維持一段時間😅。
離開了電視台後的發展方向是什麼？
離開電視台最想做就是做電影，現時身份是演員加導演，但最想學關於製作電影的製作，由籌集資金、找演員和場景，以至發行都想知道。在導演的範籌上亦要繼續學習，要成為一個懂得講故事的人，導演就是比別人講故事的能力更強，要透過觀看世界各地不同電影來學習。
IH：要給潮凱定一個定位會是什麼？有一個Icon 可以參考嗎？
我會叫自己是Slasher 😂或者電影人。偶像的話，think big 會是北野武吧！
IH：潮凱最後想問，電影和跑步有關連嗎？
演員會是短跑的，只參興當中的一部分；電影人是長跑，由籌集資金、寫劇本、開拍、發行、走影展…是以年計算。跑步或拍電影相似的是起步難，但只要開始了，沿途經歷到不同風光，找到當中的enjoyment 就會完成到整件事。
Please follow Insports Hub on Facebook & Instagram
https://insports-hub.com/
FB
https://www.facebook.com/insportshub
IG
https://www.instagram.com/insportshub/
留言 0