藝人胡杏兒早前懷有第3胎都照返大陸做真人騷,今日佢終於宣布囝囝李奕宏(Liam)出世!杏兒在老公李乘德(Philip)陪同下入產房順產,誕下重8磅多的小Liam ,懷胎十月的她也沒想過BB這麼重磅,所以笑說這次分娩過程比較辛苦,但辛苦也值得。杏兒形容3仔個樣係大哥同2哥混合體,而中、英文名均出自老公Philip手筆。
杏兒特登揀今日13點14分公布喜訊,寓意一生一世,係佢同老公表達愛護3個小孩一生一世嘅承諾;其實生男或女不打緊,最緊要係佢哋身體健康、快樂成長。雖然3胎都係仔,但杏兒坦言:「收山了,不會再追,始終需要時間悉心照顧、教導,培養孩子們。」榮升哥哥嘅Bremen同Ryan亦對弟弟Liam愛護有加,不停錫錫大方送香吻,盡顯兄弟情。
東網網站 : https://on.cc/
東網Facebook專頁 : https://www.facebook.com/onccnews/