小編昨日測試Mercedes-Benz A180，但1.3升直四引擎、136匹馬力、200Nm扭力並唔係今次測試嘅重點，而係今年2月先開始推行嘅全新 Mercedes me connect 智能服務，可以更方便管理座駕。
只要以智能手機下載app，就可以遙距開啟或關閉車窗、天窗、將車門上鎖或解鎖，檢視座駕各項數據狀態、設定，另外更有車速警示，位置移動或停車碰撞損壞通知。其他功能如遙距檢視座駕狀態(里程、輪胎壓力、清洗箱水位、煞車碟狀態、煞車液水平、燃油量或混合動力車的續航里程及下次維修日期等)。
而如果你嘅另一半想去一個地方，但又唔知點去嘅話，你可以利用app入面嘅Send2Car，可預先喺應用程式輸入，遙距為導航系統設定目的地。
另外透過車頂的 me 按鈕，座駕會連接至顧客服務中心，平治工作人員可立刻通知就近嘅
24 小時服務，而SOS平治緊急求援系統就可以喺發生意外嗰陣，當碰撞感應器觸發緊急求援，座駕嘅通訊程式會自動連接平治緊急服務中心，並同時傳送詳細位置、駕乘人數及座駕當刻狀況等資料。
有咗呢個app，就唔洗怕部車唔知去咗邊度啦。
留言 0