聖誕節就到，唔少女生都煩惱緊送咩畀另一半好！（小編認為有得煩都總好過無得煩嘅⋯⋯）雖則「物輕情意重」，但物太「輕」的話令滿滿期望嘅另一半失望就唔係咁好啦。 以下幾樣係小編為各位24孝女友搜查返黎，聖誕節最佳嘅送禮選擇！想氹男朋友仔歡心，就記住睇到最後啦！
1.重手類
如果你今年budget較大，又或者諗住要捱成個月麵包都要搏愛人一笑。電子用品類必定係你首選。可以考慮今年新出嘅airpods 又或者iPhone 11。男朋友鍾意攝影的話，GoPro都係一個唔錯嘅選擇！話唔定你買得Gopro畀佢，從此佢就的起咗決心學幫你影相！（有個識影相嘅男朋友⋯⋯諗起都好幸福阿！）
2. 衣物類
唔少女仔都鍾意幫男朋友襯衫，每次約會都想同對方夾定衣著嘅主題。要知道其實好多男仔都好懶！拍拖頭一個月就每次出街前一日已經WhatsApp定你，話你知第日著咩。之後就⋯⋯慘不忍睹。送衫或者送鞋呢類禮物，其實實用得黎出錯率都低！加上又係一個大好機會可以「令到」 另一半著得有型啲！
3.配件類
臨近聖誕，唔少人都年尾去旅行。如果已經同男朋友仔約定咗出國過個甜蜜嘅聖誕，可以從旅行裝備入手。旅行用到嘅野離不開都係背囊、太陽眼鏡、旅行枕等等，雖然聽上去比較平實，但貼心為另一半準備好所需嘅野，呢份心意係無價架！
4.遊戲類
好多女仔投訴過男朋友掛住打機唔理自己「你同部機拍拖好過同我拍拖啦！」話雖如此，但如果男朋友第二個女友真係部遊戲機，作為正印嘅你都可以投其所好，陪另一半打機～ 送遊戲機比男朋友一齊玩，咪唔怕部遊戲機分薄咗佢陪你嘅時間。 另外，打機唔係男仔嘅專利，女仔都可以係打機專家。送遊戲機比男朋友，自己又可以玩，一舉兩得！
5.食物類
送咩禮物其實都唔一定係對方心中最想要，個人黎講當然係食物最實際！冬天人類嘅專長係咩？食！想帶另一半出街食餐好嘅，依家有個勁筍嘅優惠推廣！平安夜及聖誕節連續兩日，只要你係OKiBook會員（註冊只需要用email 做登記！過程五分鐘就搞掂！)惠顧Yamm嘅晚市自助餐，即可享有85折優惠！
任你品嚐香烤聖誕火雞、海鹽百里香烤帶骨肉眼、意式烤脆皮五花肉！ 仲有多款海鮮，包括薑蔥清蒸飽魚、新鮮即開日本生蠔、北海道帶子刺身，以及蠔油炆海參螺片等等。
係咪聽到都流口水呢！仲等？快啲book位畀個surprise男朋友啦！
想收到更加多餐廳優惠資訊？請追蹤我哋facebook page 主頁：https://www.facebook.com/OKiBookHK/YOUTUBE：https://www.youtube.com/channel/UCFshjv5Y2JRjVVDay3Mnp0g （細細聲話你聽：好多餐廳近排都推廣緊優惠阿！）
圖片來源：unsplash
