英國廣播電視公司（BBC）邀請來自43個國家合共209位電影評論人選出100部「非英語電影」。
一共有67位導演、24個國家同19種語言嘅作品入選。其中法語片有27部入榜，數量最多，華語片有12部，義大利文同日語片各有11部。
以地區分嘅話，東亞有26套電影入選，內地4套、台灣5套、香港3套、南韓1套。
香港入圍嘅3套電影都係由王家衛執導，包括：《花樣年華》、王菲、梁朝偉、林青霞同金城武主演嘅《重慶森林》以及由梁朝偉同張國榮主演嘅《春光乍泄》，《重慶森林》同《春光乍泄》分別係第56位同第71位。
而由張曼玉同梁朝偉主演嘅《花樣年華》就打入前十，排名第9，亦係中港台電影中排名最高。
其他香港人熟悉嘅電影，例如陳凱歌執導嘅《霸王別姬》位列第12，哥哥張國榮飾演嘅程蝶衣係唔少人心目中嘅經典角色。
台灣導演中，候孝賢嘅《悲情城市》排第18，李安亦有《飲食男女》、《臥虎藏龍》兩套電影入選，分別為第54同第78。
張藝謀執導，改編自余華同名小說嘅《活著》就排第41。
呢啲經典嘅電影唔知大家有無睇過呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0