前港姐陳庭欣（Toby）與商人男友楊振源（Benny）拍拖以來一直很恩愛，但今日有爆料指兩人被貼街招，爆Benny與一名女子關係曖昧，又指Toby是「傻港姐」，據知該女子名叫阿Yu，是兩人的共同朋友。
今午Toby現身旺角、她與Benny開設的健身中心，身穿便服的她戴上口罩，並簡單回應了幾句，抱恙的她表示咳嗽了一星期，問到可有與男友聯絡？Toby說：「佢啱啱落機，我Send咗個新聞畀佢睇，但未詳細傾，首先要處理好件事，要睇番閉路電視係咩人做。（街招話你係傻港姐畀人呃！）我不嬲都傻傻地，但呢個係題外話啦！（街招攻擊Benny好犀利，你信唔信任佢？）唔係信唔信任嘅問題，我哋一直都相處舒服開心，可能係Benny或者阿Yu同人有誤會。（同阿Yu熟唔熟？）叫做識得，都可能會同佢傾吓了解件事。」
東網網站 : https://on.cc/
東網Facebook專頁 : https://www.facebook.com/onccnews/