聽日（9/11）就係SOGO Thankful Week，CHOCO早前就同大家精選了幾個護膚品折扣優惠，齋睇都好燃燒購物慾！而打好基礎後當然要化個靚妝，所以本小姐今次就講埋化妝品的抵買之選，齊齊做個全面女生。
同上篇一樣，套裝會以最抵折扣順序排列。Bobbi Brown今次以4折推出的限量彩妝套裝可謂姊妹們的懶人包，入面有齊base、眼唇彩妝盒、潤唇膏、卸妝潔面油等，連蜜粉掃、化妝掃清潔噴劑都有，一次過滿足到大家的日常需要。
NARS的美肌粉底套裝同樣實用，大家可自選一款粉底產品再配上旅行妝眼線筆、絲絨柔滑唇釉及最出名的Orgasm胭脂來購買，最平可做到47折。自選產品可減少大家買到不合用的東西，做法夠晒貼心。
注重產品用料的朋友可以選擇來自日本的THREE，他們聲稱以天然為基礎，嚴選了高級日本國產或有機原料作成分，好讓大家用得放心。品牌以61折推出皇牌透亮底妝套裝，當中包括任何底霜或平衡UV防護乳一支、任何粉底及凝光蜜粉（無色著01）一盒。入面的凝光蜜粉非常具人氣，無著色7g款從來只在周年慶推出，想試的朋友不要錯過呀！
追求最基本妝容的女生可留意M.A.C的皇牌霧鏡粉底組合，以7折價錢入手霧鏡粉底液、自然光澤底霜、定妝噴霧、潔面油及迷你子彈唇膏。當中4款產品都是貨裝，性價比算是數一數二。
化妝品當中，唇膏真係唔怕多，常備多色可方便配搭不同造型。YSL 7折發售的唇色美妝套裝就最適合唇膏控，可從品牌的迷魅亮彩唇膏 、絕色唇膏、彩蜜唇色漆亮等8個系列任選2支。套裝亦同時包括專業眼唇卸妝液、爽膚水及旅行裝妍活亮肌精華粉底液。
GIORGIO ARMANI至抵的經典粉底套裝同樣適合常化基本妝容的姊妹，最平用74折價錢就可以買到任何粉底一支、任何BB霜／妝前底霜／CC霜／防曬底霜一支、雪凝光完美持妝乳、旅行裝光感粉底液、精華及迷你絲絨啞亮唇釉。一次過入手三支粉底，平時正價的話真係好難如此捨得。
優惠有機會只適用於限定日期或分店，大家行動之前最好先上網了解清楚，避免浪費了時間排隊又未能入手心水產品。
地址：
崇光香港店－銅鑼灣軒尼詩道555號
崇光九龍店－尖沙咀彌敦道20號