馮盈盈孖男友一唱一和 暗寸江嘉敏「偽人」雙面人

馮盈盈同江嘉敏因一場「船P」而反目，近日最新一集《#後生仔傾吓偈》以雙面人做主題，馮盈盈即借題發揮，與男友兼主持鄭衍峰一唱一和，暗寸死敵江嘉敏！盈盈更稱：「自然有一日佢會為做過嘅事帶嚟惡果！」

文：東方新地 ｜ 圖：TVB截圖、江嘉敏IG、新傳媒圖庫

暗寸「偽人」雙面人

馮盈盈同江嘉敏曾是好姊妹，但早前因一場「船P」而擘面，兩人由昔日閨蜜關係變成陌路人。近日最新一集《#後生仔傾吓偈》以雙面人做主題，馮盈盈趁機在節目中連珠炮發：「雙面人我就最清楚，對住你一個樣，對住其他人係另一個樣，重會無形之間害到你好慘！」矛頭直指死敵江嘉敏。之後主持陸浩明要求大家寫低遇過點樣嘅雙面人，盈盈只簡單寫下「偽人」2字，再繼續閙爆「偽人」雙面人：「有利益嘅時候就熱情，冇利益就好冷酷，自然有一日佢會為做過嘅事帶嚟惡果！」

澄清冇黐富二代

節目中馮盈盈透露曾聽過一句名言：「事事都批評嘅人，一定係自己有嗰種衰嘢嘅特質，例如話人哋貪錢，佢自己一定係貪錢。」醒目的盈盈男友兼主持鄭衍峰即接住問：「即係話你黐富二代嘅人，自己一定係想黐富二代？」盈盈亦順道澄清：「本身有咁嘅特質嘅人，先會特別提起，我從來都冇咁嘅諗法，反正我冇做呢樣嘢。」至於江嘉敏對於盈盈所講雙面人將來會承受自己種的惡果，她回覆傳媒時表示十分同意，稱：「講得好啱！」