藝人李家鼎有「四大惡人」之稱，多飾演惡人角色而深入民心，但其實佢私底下非常和善，仲深得後輩愛戴，呢日藝人何雁詩就晒出同李家鼎嘅合照，指第一次拍劇時就遇上呢位前輩，對方經常講笑，更大爆曾於公開場合大講「有味笑話」，竟然當眾問有冇「扑嘢」，佢笑指：「第一次拍劇（9年前）已經遇到鼎爺呢位前輩，以前有聽人講話鼎爺好惡呀，但係同佢合作之後發覺佢只係有要求加嚴謹。鼎爺從來無鬧過我，甚至成日同我講笑，最記得佢之前係公司sales presentation 好多人面前問我最近有無『扑嘢』，原來佢問緊我最近有無打golf嗰種。」
佢續指喺對方身上學到唔怕捱苦嘅精神：「總之呢，最緊要對自己有要求，做嘢唔好hea，個個都可以進步，好似鼎爺咁，好多前輩都係一步一步捱出嚟，唔好心急，加油呀！」
東網網站 : https://on.cc/
東網Facebook專頁 : https://www.facebook.com/onccnews/
留言 0